افغانان باید څه وکړي چې صلحه راشي؟؟
لیکونکۍ : دکتور طاوس وردک تورنتو کاناډا د جولای ۲۹مه ۲۰۱۶ کال .
دحریفانو سره د زور ازمویلو په خاطر ، ددشمن د ماتولو په خاطر ، د سیاسی دشمنانو د ماتی په خاطر ، په جنګ کی دشمن ته دماتې ورکولو په خاطر ددغو ټولو کارو له پاره باید جسمی ( فیزیکی )، علمی ، مفکوروی ،اجتماعی ،تحصیلی ، تخصصی ،پوره زده کړي ولرۍ او د قوي اقتصادی پوتانسیال په لرلو سره میدان ته را وتلای شۍ ،نړیوال لوی قدرتونه لکه امریکا – روسیه – چین – هندوستان – جرمنی او نور قدرتمند هیوادونه چې ځانونه ېې په پورتنۍ مفکوري سمبال کړې ولو که ډیر واړه هیوادونه هم دی او نفوس ېې تر ۷ ملیونه ډیر نه دی ، خو په بین المللی ډګر کی د ډیرو لویو قدرتو جنګی ماشین ېې د ماتی سره مخامخ کړۍ دی ، غټ مثال ېې اسراییل دی چي عربی هیوادونه ېې په ګونډو کړل ، دشوروی په ړنګیدو سره او د امریکا په یوه قطبی کیدو سره نړۍ د لوی کشمار سره مخامخ شوه ،او شوروی د داخلی جنګ سره چې په قفقاز کی اسلامیستانو ورسره مواجه کړه او شوروی ۱۵ګونه جمهوریتونه د ګرباچوف او یلتسن د خراب او خاینانه سیاست له مخی ټوټه ټوټه شول روسیه ېې د اضمحلال خواته رهنمایی کړه ،خو د دوو وطن پرستانو لکه ( مرحوم پریماکوف او ولادیمیر پوتین ) په رهبری بیرته روسی خپل اقتصادی – نظامی ستراتیژي تنظیم او نظامی دکتورین ېې د یوه قوی نظامی قدرت په حیث ډیر ژر عیار ، ترتیب ، او علما مطرح کړل او یوه دقیقه تصفیه ېې په ټول نظام کی را منځ ته کړه او په ډیر کم وخت کې ېې خپل دفاعی قدرت په پښو ودرولو او نن تر ناتو او امریکا نه ډیرې مدرنی وسلی لری ، دلیل ېې د مقام او څوکۍ سپارل متخصیصینو او تحصیل کردګانو ته وه ، خو زموږ مشران کرزۍ صاحب د امریکایانو سره په جګړه کی وو او اشرف غنی او عبدالله ددی توان نه لری چې ( سیاسی – اقتصادی – او نظامی انډول ) د همسایه ګانو سره برابر وساتي ،اساسی دلیل ېې د ارتجاعی او پشاتلونکۍ ایدیالوژۍ تطبیقول او تقویه کول وو او دی او تر څو هیواد د مذهبی او اسلامی دیکتاتورۍ نه خلاص نه شي او دغه زړه تیوری او زاړه تفنګ سالاران په ګونډو نه شي مدرنیزه کول – انډول ساتل – تجهیزول – او متخصیصینو ته قدرت ورکول اصلاح نه شی صلحه نا ممکنه ده ، صلحه په دشمن د زور له لاری ممکنه ده او بس ، هیڅ دلیل نه منم ؟؟؟
دوهم نړیوال جنګ په هتلر دزور له لاری ختم شوو ، د بنګله دیش جنګ او د پاکستان تسلیمی د زور له لاری تطبیق شوو ، د اسراییلو را منځ ته کیدل دزور له لاری را منځ ته شول د فاکلند جګړه دزور له لاری ختمه شوه او د ارجنتاین نه فاکلند جدا شوو ، دیورند په زور په عبدالرحمان خان تحمیل شوو ، افغانستان په زور اشغال او د ۱۰۰ ملیاردو وسلې او محاربوی تخنیک د اشغالګرانو له خوانه زره زره او ټوټه ټوټه شوو ، له پاره ددې چې صلحه په افغانستان کی را شی اولین اقدامات دیوه اصیل افغان تعینول یا انتخابول د ریس جمهور په حیث حتمی شرط دی ، دوهم ټول معادن ملی کول دی ، دریم نوی ملی وسله وال پوځ جوړول دی یعنې د مکلفیت دوه کلنه دوره بیرته را ژوندۍ کول دی ، او وسله وال پوځ په روسی وسلو مجهزول دی هر څه مو چې د ببرک کارمل په وخت کی لرل بیرته ېې له روسانو نه واخلۍ او هغه وخت دشمن تاراو مارکولای شو ، بیدون له زوره د هیچا سره دغری وهل لوی خیانت بولم ، او وسله وال پوځ په همدی حالت ساتل هم لوی ملی خیانت بولم ، ( ترکاني دبیزو کار نه دی ، دولت داری عربی صرفه میر نه دی ) دولت داری سیاست ، دیپلوماسي ، اقتصادی وړتیا ، دخلکو علمی وده ، د ښځو ازادی ، ارتجاع له حکومت نه جلا کول ، دشمن ته هیڅ زاری نه کول هر چیرې چې سر پورته کړې په ډرون او هلیکوپترو او جټ طیارو او مختلوف راکټو ویشتل چی یو سرباز هم زخمی نه شی ، یعنې اول ځانونه وپیژنۍ ، بیا ځانونه ښه سمبال کړۍ او بیا یو بل پذیره شۍ ، ملی وحدت تامین کړۍ هغه وخت صلحه ممکنه ده .
