انعکاس هستی در هستی

رسول پویان هست وخواهدبودوژرفای شدن عریان کنید دانـش و انـدیـشـه و تحـقـیـق…

افغانستان؛ جایی که خطاهای راهبردی از مرزها عبور می‌کنند

ناهم‌زمانی تصمیم‌های سیاسی، رقابت قدرت‌ها و پیامدهای امنیتی در نظم…

فریتس هابر؛ دانشمندی میان نجات زندگی و صنعتی‌کردن مرگ

بهرام رحمانی bahram.rehmani@gmail.com  مقدمه تاریخ علم، تاریخ پیشرفت‌های بزرگ انسانی است؛ اما در…

که سیاست نه کوئ، سیاست به درباندې کېږي!

نور محمد غفوري یادونه: دا مقاله د لومړي ځل لپاره د…

 تونل‌های زیرزمینی، دکترین دفاعی یا گسترش زیرساخت‌های پنهان؟

 نویسنده: مهرالدین مشید طالبان و گسترش شبکه‌های زیرزمینی؛ پیامدهای منطقه‌ای و…

پوهاند محمد بشیر دودیال

د نړېوال او پښتو داستاني ادبیاتو په تړاو له پوهاند…

      اسرار هوش طبیعی یا خالق طبیعت

نوشته : کریم پوپل مورخ ۱۴ نوامبر ۲۰۲۶ مقالهٔ علمی ـ فلسفی…

۵. د سیاسي سیستم د غبرګون او اصلاح بهیر

نور محمد غفوری  (د لومړي څپرکي، سیاسي سیستم- شپږمه برخه) سیاسي سیستم…

انسان؛ در جست‌وجوی خویشتن (4)

تهیه و تدوین : فرشید یاسائی ...عشق و نفرت گاهی به…

د سیاسي سیستم د فعالیت څرنګوالی

نور محمد غفوری (پنځمه برخه) ۴.  د سیاسي سیستم (د سیاسي نظام)…

جهان در آستانهٔ سرنوشت ساز ترین و بی ثباتی بزرگ

 نویسنده: مهرالدین مشید  آیندهٔ انسان در گرو رقابت قدرت‌ها و بحران…

پَسیخانیان؛صدای «اصالت انسان»

علی میرفطروس اَسْتَعِنْ بِنَفْسِكَ الَّذِي لَا إِلٰه إِلَّا هُوَ از خویشتن یاری…

د سیاسي سیستم سرچينې او اداري وړتیا

نور محمد غفوری (د سیاسي سیستم په تیر پسې- څلورمه برخه) ۳.۴.…

!  (   K   ) چگونگی اتخاذ سیاست جنایی…

چکیده : استفاده از مواد مخدر تحت نام تابلیت (k )…

محمد اقبال محمدی

استاد "محمد اقبال محمدی" شاعر، ترانه‌سرا، هایکویست، دبیر بازنشسته و…

افغانستان؛ چهارراه قدرت و معادلات پنهان منطقه‌ای

از جغرافیای راهبردی تا کنترل حرکت، کریدورها و شبکه‌های نفوذ Wahidullah…

افغانستان؛ سرزمین فرصت‌ های ازدست‌ رفته و توطئه‌های پی‌درپی

 نویسنده: مهرالدین مشید از کودتای داوود تا بازگشت طالبان؛ افغانستان در…

سیاسي سیستم– سیاسي فعالان او ډلې

نور محمد غفوری (دریمه برخه) ۳.۳ . سیاسي فعالان او ډلې سیاسي فعالان…

سیاسي، اقتصادي، ټولنیز او کلتوري سیستمونه

نور محمد غفوری د لومړي څپرکی: سیاسي سیستم(دوهمه برخه) ۳.  د سیاسي…

انسان؛ در جست‌وجوی خویشتن (3)

تهیه و تدوین : فرشید یاسائی ...انسان تنها موجودی نیست که…

«
»

عُمر؛ چې عمر يې د نورو د عمر قرباني کړ

دا خاوره افغاني ده غيرتي او تل يې غيرتي او سرښندونکي بچيان زيږولي دي. د تاریخ پاڼې ګواه دي چې په افغان خاورې ډېرې ککرۍ د ولس د ژوند ژغورلو لپاره قرباني شوي دي. د همدغو ککريو له جملې يوه يې د ملي اردو د سرتيري محمد عمر ککرۍ وه چې د حبل الوطن من الایمان له مخې يې خپل ژوند د هيوادوالو د ژوند ژغورنې په پار قرباني کړ. د تېرې د يکشنبې په ماښام يو ناترڅه بې وجدانه او وحشي ځان وژونکی نمرودي بریدګر غوښتل‌ د ننګرهار ولايت د بهسودو پُل ته نږدې د ملي اردو د پلټنې مرکز سره ځان ته چاودنه ورکړي او بېګناه افغانان يو ځل بيا د غم په ټغر کېنوي، خو د محمد عمر په نوم د ملي اردو سرتېری او د وطن اصلي بچی پرې پوه شوی او په غېږ کې يې د خلکو له ګڼې ګوڼې لیرې کړی.

بريدګر ډېره هڅه کړې چې د عمر له عمري منګولو ځان خلاص کړي او د خلکو په منځ کې ځان ته چاونه ورکړي خو محمد عمر په خپل غېږ کې داسې کلک نيولی چې بريدګر د ځان له چولو بله چاره نه درلوده. ځانمرګي ډېره هڅه وکړه چې ځان د ملي اردو مرکز ته ورسوي په او په منځ کې يې ځانته چاودنه ورکړي خو کله چې له ډيرې خوارۍ وروسته پوهيږې چې د محمد عمر له منګولو يې خلاصون نشته او په خپل شوم پلان کې پاتې راځي نو اړ کيږي او د محمد عمر په معصومه غېږه کې ځان ته چاودنه ورکوي او هم خپله هلاک کيږي او هم محمد عمر ته د شهادت جام ورکوي.

محمد عمر خپل ژوند د ولس لپاره قرباني کوي او خلکو ته يو ځل بيا ثابتوي چې د ملي اردو هر سرتيری د خلکو د ژوند ساتونکي او خپلې خاورې او ولس لپاره قرباني ورکوونکی دی. محمد عمر يواځې د ځان قرباني نه ده ورکړې بلکې ځانمرګي ته په غېږ ورکولو سره د خپلې ځوانې ناوې، خپلو بچيانو او خپلې بوډۍ مور د هيلو قرباني هم ورکړې ده. له محمد عمر ځوانیمرګ څخه ځوانه مېرمنه کونډه او څو معصوم ماشومان يتیمان پاتې کيږي خو نه پريږدي چې د هيواد نورې په لسګونو ناوې کونډې او بچیان يې يتیمان شي.

دا يواځې محمد عمر ځوانیمرګ نه دی چې په خپل ولس او خپلې خاورې ځان قربانوي بلکې افغان امنيتي سرتيري ټول د مېړانې او شجاعت سمبولونه دي. هر سرتيری مو د ولس، خاورې او ملي نواميسو ساتونکی او مدافع دی. که ملي اردو کې دي، که په ملي پوليسو کې دي، که په سرحدي پوليسو کې دي، که په ملي امنيت ځواکونو کې دي او که په کومانډو ځواکونو کې دي، ټول سرتيري مو د خاورې ساتونکي، د ولس مدافعین او د نواميسو ساتونکي دي.

له محمد عمر ځوانيمرګ ايله څو ورځې وړاندې په ننګرهار کې د ملي اردو يو بل سرتيري هم ورته کارنامه کړې او د قابلو په مرکز د ترهګرو په بريد کې يې په دغه مرکز کې بند پاتې نورو سرتيرو او خلکو ته نجات ورکړ. شهید حاجی اکبر درزیابي د څلورمې پلی لوا د سقیله د شپږم کنډک قوماندان وو ، چې دوه اونۍ وړاندې يې په جلال اباد ښار کې د عامې روغتیا ریاست اړوند د قابله ګانو د روزنې پر یوه مرکز باندې برید کې بند پاتې سرتېرو ژوند وژغوره او په خپله يې د شهادت جام وڅکلو.

همداشان کابو درې کاله وړاندې د پکتیکا ولایت د برمل ولسوالۍ د سرحدي پولیسو افسر د دوهم ساتمن نجیب الله هم د ولس او خپلې خاورې څخه په دفاع کې د شهادت جام وڅکلو. شهيد نجيب الله هغه مهال د پاکستاني پوځیانو له لوري شهيد شو چې ده او ملګرو یې پاکستاني پوځیان پرې نښوول چې د افغانستان په خاوره کې پوسته جوړه کړي. د پکتيکا په برمل ولسوالۍ کې پاکستاني ملېشو غوښتل چې د طالبانو ملاتړ وکړي او دغلته په افغان خاوره کې پوستې جوړې کړي، خو د افغان سرحدي ځواکونو له چټک غبرگون سره مخ شول چې په پېښه کې اته پاکستاني امنیتي ځواکونه هلاک او د افغان لوري لخوا نجیب الله هم د شهادت جام وڅکلو.

ورته يوه پېښه کابو شپږ کاله وړاندې د ننګرهار په ګوشتې ولسوالۍ کې د افغانستان او پاکستان ترمنځ صفري نقطه کې هم رامنځته شوې وه چې په کې پاکستاني ملېشو غوښتل کې په صفري نقطه کې پوستې جوړې کړي خو د سرحدي پوليسو اتل سرتيري محمد قاسم پرېنښودل او بريد يې پرې وکړ چې په پايله کې يې محمد قاسم له دنيا سترګې پټې او د شهادت جام يې وڅکلو.

دا بېلګې مې د دې لپاره يادې کړې چې د افغانستان ملي امنيتي سرتيرو فرد د هيواد دوستۍ حس لري، په وطن مين دی او د خپلې خاورې او ولس په خاطرې هر راز قربانۍ ته چمتو دی. هر يو يې په خپل ذات کې یو اتل د دې خاورې اصلي بچی دی. حکومت دې هم د دغو اتلانو د کورنيو ژوند، او يتیمانو خيال وساتي او کورنۍ ته دې د دې احساس نه ورکوي چې د خپل شهيد زوی، ورور او مېړه په شهادت پښېماني وکړي. حکومت مو بايد د غو ټولو شهيدانو کورنیو ته ځانګړې پاملرنه وکړي او هر ډول مرستو ته چې اړتیا لري ورڅخه دې نه سپموي.

لیکنه : خوشحال آصفي