طالبان، حقوق زنان و نشست دوحه

سیامک بهاری اواخر ماه ژوئن امسال، سومین نشست دوحه برای آنچه…

فلسفۀ امرور، سفسطۀ فردا و فلسفۀ پس فردا، سفسطۀ پس…

نویسنده: مهرالدین مشید مطلق انگاری و بسته شدن دریچه های انعطاف…

دو جهت شناخت- مکمل بودن و وابستگی آن‌ها به یکدیگر

یوری آنتونوف (Yuri Antonov)  ا. م. شیری فرآیند شناخت در دو جهت…

در بارۀ تغییر تقسیمات طبقاتی

یوری آنتونوف (Yuri Antonov) ا. م. شیری بسیاری از نویسندگان به تغییر…

تعامل سیاسی روپوشی برای توطیه های ژرف و مرموز بر…

نویسنده: مهرالدین مشید افغانستان دارالقرای گروه های تروریستی تحت حاکمیت طالبان با…

    عید قربان

           در ماتم قربانی باز  کویند که  عید قربا نست لیک چشم سحر…

             بزرنفاق انگریزی

                                            درو آن با داس روسی  استعمارگران جهان بمنظور غصب سرزمینها ی…

دولت و خدمت!

دولت به انگلیسی State و به فرانسوی Etate  و یا…

عید در غربت

 عید طرب با لب خندان کجاست  میله به آن قرغه و…

چه قیامت برپا کرده طالب!

امین الله مفکر امینی      2024-04-06! چــه قیامت برپــا کرده اند طالــــب درمیــــهــنِ…

Afghanistan

Geopolitics of Afghanistan – Part I By: Saber Azam [*] Introduction: Afghanistan has…

بازگشت عنتر

شاعر: ا-ایران احمدی، بازامدی تا سلطه بر ایران کنی انچه‌باقی مانده را…

آسایشگاه

"آسایشگاه" نام جدیدترین اثر "سامان فلاحی" (سامو) دوست شاعر و…

صابر صدیق

استاد "صابر صدیق" (به کُردی: سابیر سدیق) شاعر کُرد عراقی‌ست. نمونه‌ی…

شعر فوق‌العاده زیبای «سیب» و نظر سه شاعر!

بهرام رحمانی bahram.rehmani@gmaiul.com  وقت شعری و مطلبی و حرفی تازه و از…

رقابت کشور های منطقه و جهان و به حاشیه رفتن…

نویسنده: مهرالدین مشید قلاده داران تروریستان جهان؛ محور رقابت های کشور…

[کورد یەکیگە] 

کۆساڵان بەفر دەباڕیدو  ئەمن لە قۆچان ساردم دەبێ  ئەمن هاتنەگرین ئەبم  سیروان لەمالەم…

مضحکه ی تحت تعقیب بودن سراج الدین حقانی

             نوشته ی : اسماعیل فروغی   سفر پنجم…

جوانمرگی گرامشی؛ مبارز ایتالیایی، در زندان

Antonio Gramaschi (1891-1937) آرام بختیاری گرامشی؛ کمونیست ایتالیایی، خالق دفترهای زندان. آنتونیو-گرامشی (1937-1891م)…

جهان زیستی در بستر جهانی شدن جهان

جهان زیستی فرد٬ مجموعه خصایص و طرز فکری فردی وی…

«
»

د اغلې سهیلا اصغري وردک حسرت نظیمي د ادبي او فرهنګي هاندو هڅو په ویاړ نمانځ غونډه :

 ګرانو حاضرینو،  خویندو او وروڼو، درنو او قدرمنو ادیبانو او شاعرانو!

ستاسو درنه  حضور ته  په  دغه پرتمینه  غونډه کې  ښه  راغلاست  وایم.

زه  ویاړم چې  ستاسو  سره  یو ځای په داسې  یوه  درنه او پرتمینه  غونډه  کې  برخه  اخلم، چې  دا غونډه زموږ  د هیواد د معاصر ادبي  بهیر او  د روڼ اندو  ښځو  او میندو له ډلې  څخه د یوې تکړه  او هڅاندې  ادبي  او فرهنګي  څیرې  د خدمتونو  او قدر دانۍ  په  ویاړ  جوړه  شوې  ده.

دا ځلانده  د ادب مینه ناکه او فرهنګپاله  سټه  اغلې سهیلا اصغري وردک حسرت نظیمي ده.

 اغلې سهیلا اصغري هغه پیژندل شوې، غښتلې او نامتو ادبي څیره ده، چې  څو بعدي  شخصیت لري.

نوموړې نه یوازې  د  دې لپاره  چې  هغه  یوه  با احساسه  او تکړه  ویانده  ده،  د درناوی  وړ  ده،  خو  د  دې  امله  هم  د  درنښت  او  قدر  وړ ده  چې  زموږ  د  هیواد  یوه غوره  ژورنالیسته ، خوږ  ژبې  دیکلماتوره  او  تکړه  شاعره  هم  ده.

په ادبي او فرهنګي  هڅو او چاروکې یې نه  هیریدونکي  او  نه ستړیدونکي  هلې  ځلې  تر سره  کړې  دي، او  په  دې  لاره کې یې  د  خپلې  همیشنۍ  ادبي  مینې  په  درلودلو  سره  په  پوره  او  سپیڅلي  احساس   سره  فعاله  ونډه  اخیستې  ده.

سهیلا (اصغری وردګ) حسرت نظیمی پر( ۱۳۴۲ ) لمریز کال کې د جدی د میاشتې پر (اوولسمه ) نیټه د کندهار په ښار، هغه ځای کې چې پلار یې پر پوځي خدمت بوخت وو، زیږیدلې ده.

لمړنۍ زده کړې یې د پکتیا ولایت د ګردیز او خوست په ښارونو کې تر سره کړیدي، او لوړې زده کړې یې د کابل ښار د عایشه دراني او زرغونې په لیسو او د کابل پوهنتون د ژورنالیزم په پوهنځي کې پای ته رسولې دي.

سهیلا اصغري د افغانستان د ملی راډیو تلویزیون مسلکی ژورنالیسته، ویانده، دیکلماتوره او دغه راز د خپرونو جوړونکې  وه او ده. دې په بیلابیلو نړیوالو راډیوګانو کې  کار کړئ دی، لکه د مسکو راډیو، د آزادۍ راډیو، د دوچې ویلې آلمان غږ راډیو.

میرمن سهیلا حسرت نظیمی په ژورنالیستي او مسلکي لیکنو هم بوخته ده چې د دې لیکنې په انترنیټ او ورځپاڼو کې  ډیر مینه وال ځان ته را جلب کړي او د راډیو له لارې هم ګن شمیر اوریدونکي  لري.

 شعري هستونې هم لري چې لومړنۍ شعري ټولګه یې تر چاپ لاندې ده.

سهیلا اصغري اوس مهال په افغانستان کې د ځوانو ژورنالیستانو او نطاقانو په روزنه هم بوخته ده.

همدا راز په اروپا کې د  افغاني  میرمنو  د  ټولنې   د مشرتابه  ویاړ هم لري، او د ښځو د حقوقو د خوندي ساتلو په لاره کې  نه ستړیکیدونکي  هلې ځلې  کوي.

سهیلا حسرت نظیمی د ښه کار کلتوري جایزې او د صداقت مډالونه او ډیر ستاینلیکونه ترلاسه کړي او د ویاندۍ  غوره  مقام ته رسیدلې ده.

د خوښۍ او ویاړ ځای دی چې زموږ  په  تاریخي، لرغوني او  ادب  پاله هیواد افغانستان کې  ټولنیز ، سیاسي، ادبي او فرهنګي  حالات او د انساني ژوند بیلابیل  اړوخونه  او د انسانانو ځلانده کارنامې، د میړنیو اتلانو د سرښندنو  یادګار  او حماسې ځلانده تاریخ  لري،  چې  دا تاریخ  زموږ  په  هیواد کې  د قلم د فضیلت  او  د کلام  د عفت  په  وسیله  ګټل  شوې  دی.

زموږ  په  ویاړلي  هیواد کې  لیکوالو،  پوهانو او شاعرانو په  بیلابیلو برخو  کې  لکه  ځلیدونکي  ستوري  د نړۍ  او  د خپلې  ټولنې  د  مختلفو مسایلو ،  حوادثو او رنګارنګ  پیښو  او حالاتو  په  اړه  خپله  تګ  لاره ،  احساسات او انساني  عواطف  په  بیلا بیلو ډولونو  په ډیر  عالي او انساني  توګه  په  خپلو اثارو کې  بیان  کړي  دي، چې  د دوی  دا ګټور او ارزښتمن  اثار زموږ  دهیواد لویه  معنوي  پانګه  او بډایه  شتمني  جوړوي.

زموږ د خلکو د تاریخ  په  پاڼو کې له  یوې  خوا د  نارینه  میړنیو  اتلانو نومونه  تل  پاتې  شوي، خو  له  بلې  خوا  دا نښې نښانې هم  شته  چې  د همدغو  نارینه وو تر څنګ د  اتلو ښځینه  وو  نومونه  هم  تلپاتې  دي  او  د  ستاینې او قدر په  سترګه ورته کتل  کیږي .

زموږ په هیواد کې د تاریخ  په  اوږدو کې  افغاني پتمنو او وتلو  ښځو  د  خپل  ذاتي  استعداد،  لیاقت،  پوهې، علم  او  میړانې  په  وسیله  د  ظلم  بې  عدالتي او توتریخوالي پر ضد  او  د  ټولنیز  ژوند  په ډګرونو کې  د  خپلو  حقوقو  د لاسته  راوړنو  لپاره  عادلانه  او  بر حقه  مبارزو  ته   دوام  ورکړئ دی، او  د ټولنې  په  منځ کې  یې   خپل  منزلت  او  مقام  په  ډیر  عالي  کچه  ساتلی  دی.

خو له  بده  مرغه  د ننۍ  علمي او تخنیکي  سترو او حیرانوونکو بریالیتوبو په  پیړۍ  کې  زموږ  د  هیواد  په  وروسته  پاتې   ټولنه کې  لاتر اوسه  هم   د  ښځو  د  حقوقو  د تامین  او  په  ټولنه  کې  د هغوی  د  اغیزمن  نقش  او  رول  په  را  ژوندي  کولو  کې  بنسټیز   ګامونه   نه  دي   اوچت  شوي، خو  بیا هم زموږ  د هیواد  زیاترو  میرمنو  په  ټولنیز،  اقتصادي،  سیاسي، علمي، ادبي  او فرهنګي  برخو کې  په  خپل  توان،  لیاقت او استعداد  سره  د  خپلو  خلکو او  هیوادوالو  لپاره  د ستاینې  او درنښت وړ خدمتونه تر سره  کړي  دي.

یوه  له  دغو  فعالواو تکړه  ادبي  او فرهنګي  میرمنو  څخه اغلې سهیلا اصغري  هم  ده.

نوموړې زموږ  د پښتو ادب او فرهنګ په  برخه کې  هغه  خوږ  ژبې، او با  احساسه  ویانده ده ، چې  د خپل  استعداد،  لیاقت، ادبي او فرهنګي هلوځلو له  لارې یې  زموږ د پښتو  ادب ګلبڼ  ښیرازه، ښکلې او  رنګین ساتلی  دی.

سهیلا اصغري  نه  یوازې  د  پښتو ادب  یوه هڅانده او خوږ  ژبې  ویانده ده خو  په دري  ژبه  هم  نطاقي  کوي.

په  هغه  وخت  کې  چې  دې په رادیو تلویزون کې  دنده  لرله او په  بیلابیلو  برنامو  کې یې  نطاقي  کوله ، او  د یو شمیر وتلیو او نامتو  افغاني  شاعرانو شعرونه یې  دیکلمه کول، او اوس هم ، چې  په یو شمیر  خپرونو کې  نطاقي  او دیکلمې  کوي،  زموږ  دهیوادوالو  او  او اوریدونکو په  زړونو او ذهنونو  کې  مینه،  محبت، شور، هیجان او احساسات را پاروي.

هغه  علمي  او  ادبي  مطالب چې د دې په خوږه  ژبه  بیانیږي  د قدر  او  ستاینې  وړ  دي، او د اوریدونکو په  ذهني  او  رواني  حالاتو  کې  یو  معنوي  کیفیت،  تصور او  خیال  را  پاروي.

لنډه  دا  چې  د  نوموړې  ریښتینې  مینه  او  بریاوې  د  افغاني  ادب  او فرهنګ  په  برخه  کې  هغه  څرګند  واقعیتونه  دي  چې  نه  یوازې  موږ  او  تاسې، خو  راتلونکي  نسلونه  به  هم  پرې  وویاړي.

مخکې مې وویل چې سهیلا اصغري شاعره هم ده، زه خو شاعر نه یم چې د دې پر شاعرۍ  کرکتنه  وکړم خو غواړم په دې اړه هم یو څو ټکي ستاسو حضور ته  وړاندې کړم.

شعر هغه هنري اثر دی چې ښکلی او په زړه پوری کلام، خواږه  شعري ترکیبونه او ظاهري فورم او شکل ته اړتیا لري.

زموږ  په ټولنه کې  د شعر هنر ته  شاعرانو او ادیبانو زیاته  پاملرنه کړئ ده. زموږ زیاترو شاعرانو د خپل ښکلي او په زړه پورې  کلام، فهم ، پوهې او سپیڅلي انساني احساساتو او عواطفو په  وسیله  ټولنیز  اهداف او د ټولنې غوښتنې په ډیر انساني  او ظریفانه  بڼه بیان کړي دي.

شعر ویل اسان  کار  نه دی، ځانته یو ځانګړی استعداد غواړي او په دې  لاره کې  تلل مشکل کار دی.

خو پاک الله  د نورو  پیرزوینو تر څنګ سهیلا اصغري ته په  دغه برخه کې  هم یو ښکلې هنري او ادبي  استعداد او  ذوق  ورکړئ دی، چې په خپلو خوندورو شعرونو یې د پښتو ادب ډیوې بلې  ساتلی دي.

د سهیلا اصغري  په  شعرونو کې د ټولنیز ژوند بیلا بیلې  برخې، د انسان او انساني کرامت او د هیواد او هیواد والو سره ژوره  مینه، د ازادۍ،  د اتحاد، اتفاق او ملي وحدت  پیغامونه، د مینې ، محبت سوز او ګداز،  تصویرونه،  د طبیعیت د  مناظرو هنري ښکلا د غریبانو، بې وزلو ، خوارانو انسانانو سره زړه سوئ او خواخوږي  د شعر په خوندوره ژبه په ډیره ساده ، روانه او ظریفانه بڼه انځور شوي دي.

د بیلګې په توګه د دې د شعرونو دا بیتونه ګورو :

ستا په  تیږه  چې ســـر کیږدمه  بالښـــت شـــي

څـــه  آرام  رابانــدې  راشــي  څه  خــوبـــونـــه

څــــه  دمـــه  شـــــم  د هجــرونو له  ســــتړیاوو

څــه مــر هــم  شــي  ســتا د کلــیو  دیــدنــــونــه

او یا وایي :

دلته وفا له غوړو څڼو نه غوښتلی نشې

مستې شملې د وطن باد كې  رپيدلې ښې دي

او یا وایي:

ګرمې  تندې  پسې  څه  ښکلې  باران  شو

ستا  خندا په  شانې  لمر باندې چې  وران  شو

ستا  د  اوښکو  هر یو  څاڅکی  یې  را یاد  کړ

ګرم ګرم  مې چې لوند  داسې  ګریوان  شو

او یا وایي:

دا د شپو او ورځو خوشالۍ  راته  ماتم  شولې

دا د خندا اوښکې هر  سحر  پر  مخ شبنم  شولې

لوبو  کې مې  تا  سره  باقي  جهان  ته  پام  نه وو

ګوره، نابللې خنداګانې  راته  غم  شولې

او یا  وایي :

دا په مینه چې ځوریږم، دا د عقل  یوه  نیستي  ده

 دا د میو نشه نه ده  دا د مینې بد مستي  ده

 دا نن  ورځ  چې  ماښام شوې  دا د مستو ستورو شور دی

دا د ویر تاریکی  نه ده  تورتمونو  کې هستي ده

 دا چې سترګې خوني شوي  دا د غم له اوښکو نه  دي

دا د مینې  پورته  اوج دی  دا زما بت پرستي ده

او یا  وایي :

دا ګاونډي اغزي  باڼه  په سترګو بار غوندې شول

 هغه چي نه  تكراريدونكي  وو  تكرار غوندې شول

 انار زړګی مې  ورته  وسپړو ټټر مې سُور کړ

زړه ته  نژدې  یاران مې بيرته  په  فرار غوندې شول

 نور یې نغمې  د سلام نه راځې د لمر په  شانې

 يادونه بيا  كاږه سُرونه  د سيتار غوندې شول

او یا  وایي :

يا مي په تيارو کې د سحر رڼايي  بيا  راكړه

 يا مې  دې  بې  روحه  تن  ته  مسته  نوې ساه  راكړه

 يا مې  كلمه  كړه چې په  شونډو دې خوره  يمه

 یا دې په  يادونو  تصويرونو  كې  فنا  راكړه

 يا مې  يوه  ښكلې  بهانه  شه غزلونو  ته

 يا خپله غزل شه  په  ويلو يې  ثنا راكړه

 یا مې د  روانو امیدونو  چینه  وچه  کړه

یا راته  باران شه، نوبهار شه او ښکلا راکړه

او همداسې د دې نور شعرونه….

درنو دوستانو او د ادب مینه والو!

په پای کې غواړم ووایم:

زه د اغلې سهیلا اصغري د ټولنیز ، ادبي او فرهنګي کارنامو ته د درناوی وړاندې کولو ترڅنګ د مشرقي له فرهنګي ټولنې څخه د زړه له کومې مننه کوم چې د دغې فرهنګپالې ویاندې په  درناوی یې دا درنه او پرتمینه  غونډه جوړه کړئ ده.

اغلې سهیلا اصغري ته  د پاک  الله څخه خوشاله، نیکمرغه، سوکاله او برمیاله ژوند غواړم.د دې  د  نورو بریاوو او لا غوړیدو په هیله .

په درنښت او ادبي مینه: انجنیر عبدالقادرمسعود