پوهاند سید خلیل الله هاشمیان
د خواشينۍ پيغام
په ډیرخواشيني او تاسف سره خبرترلاسه کړچی دهیواد يو وتلی ، نامتو ، شنونکی لیکوال ، ژورنالست، ژبپوه ، ادیب ،مورخ، سیاست پوه دکابل پوهنتون پخوانی استادارواښاد پوهاند سید خلیل الله هاشمیان له دې فانی نړی نه وکوچید.
انالله وانااليه راجعون
ارواښادپیژندل شوی پوهاند سید خلیل الله هاشمیان د افغانستان په اړه د لوړ علمی ،ادبی ،سياسي، ټولنیزپوهه او بصيرت درلودلو تر څنګ يو ژمن ،خوله ورژورنالست، ليکوال او منلی مبصر وو چې د ژوند تر وروستيو شیبو يې قلم ژوندی وساته.
اروښادد ژوند په اوږدو کې په زړه پورې اثار وژباړل او وليکل او د دې تر څنګ يې د افغانستان د اوسنی او تیر سياسي، تاريخي، فرهنګی – کلتوري او جګړه ايز وضعيت په اړه په رسنيو کې په ځانګړی ټوګه (آیینه افغانستان او جرمن آنلان پورتال کی ګتوری مقالی ،په زړه پورې تحلیلی ليکنې او تبصرې خپرې کړې.
ارواښاد د هيواد د کم شمیروليکوالانو په کتار کې راځي چې قلم يې په باوري ډول د موثقو اسنادو له مخې کارولی او له هغو ليکوالانو يې لار بیله ساتلې چې په تاريخ يې خلک بې باوره کړل.
همدا ډول د خدای بخښل ځينې نور هغه تاليفونه اواثا راوفرهنګی میراث دی چې تر ډېره به افغان ليکوالانو د ماخذ په توګه ترې ګټه اخلی.
د ارواښاد مړينه افغانانو بالاخص فرهنکیانوته یولوی فرهنګی ضایعه ګنل کیږی ۰
په دی وسیله خپل خواشيني وړاندی کوم اودپوهاند صاحب کورنی ،پاتی کسان اوله ټولو علم پالو هيوادوالو سره په دې غم کې ځان شريک ګڼم.
اروا يې ښاده او ياد يې تلپاتې
دا مهال د هيواد په نظامي ډګر کې په عمومي ډول دوه متصادم قوتونه يو له بله سره په جګړه اخته دي . يو فريق يې خارجي يرغلګران، افغان دولت او ورسره ائتلافيان دي چې په تيرو څه دپاسه يوولسو کلونو کي يې د وسله والو مخالفينود تعقيب او ټکونې تر نامه لاندي زموږ هیواد له يوه سخت ناورين سره مخامخ کړی دی چې د القاعدې او تروریست په نامه زموږعام ولس ترغټ تهديد لاندې نیول شوی دي . په دې ترڅ کي زموږ بیچاره او مظلوم ملت بي شميره مصیبتونه،غمونه او راز راز مشکلات تیرکړل اوهم نور ورسره مخامخ دی،او د جګړې بل فريق د هغوی مخالف لوری وسله وال مقاومت کوونکی ولس دی چې زیاته برخه یې په حزبي لحاظ طالبان تشکيلوي.
خو ترکومه ځايه چې د دغه خارجي يرغل د نتايجو خبره ده نو دلته څو حقيقتونه په ياد ساتل په کار دي .
لومړی دا چې په هيواد کې د خارجي قواوو له حضور سره جوخت د نړيوالي ټولنې پام هم افغانستان ته را واوښت او د افغانستان په نظام کې د حاکمې اداري له لوري له پراخ مالي او اداري فساد سره سره بيا هم زموږ هيواد په تيرو څه دپاسه یوولسو کلونو کې د تجارت، صنايعو، زده کړو، د زيربناء جوړوني او…… په برخو کې مهمي لاسته راوړني لري، بايد له پامه ونه غورځول شي او د هیواد د بیا رغوني او ولسي پرمختګ لپاره اساس اوبنیاد وګرځول شي.
نصیراحمد مهمند
