!راشه پسرلیه
راشه پسرلیه بیرته ژوند خلکوته وښیه
ته بیرته د ښکلي ژوندون خوند خلکوته وښیه
ډیره موده کیږي چی له ژوند موښکلا تللي ده
بیرته د ښکلا اوژوند پیوند خلکوته وښیه
ډیروته په سپینومړوندونوخوب ګناه ښکاري
بیرته خوب د خپل یارپه مړوند خلکوته وښیه
ډیرخلک د ژوند سره اوس مینه سترګناه بولي
بیا د ژوند اومینی زد اوبند خلکوته وښیه
ھرڅه خدای پدی دنیا انسان ته پیداکړیدي
راشه دا حکمت د سترخاوند خلکوته وښیه
دلته یی ھیڅوک سپینوخبروته غوږنه نیسي
راشه د قیام د کلام پند خلکوته وښیه
الحاج الھام الدین قیام
15/03/2015
