کور و نابینایان خرد

تقدیم به زن ستیز های بدوی و ملا های اجیر، آن…

فضیلت سیاسی و افغانستان

در نخست بدانیم٬ ماکیاولی در شهریار و گفتارها٬ در واقع…

بهای سنگین این خاموشی پیش از توفان را طالبان خواهند…

نویسنده: مهرالدین مشید طالبان بیش از این صبر مردم افغانستان را…

گلایه و سخن چندی با خالق یکتا

خداوندا ببخشایم که از دل با تومیخواهم سخن رانم هراسانم که…

(ملات گاندی در مورد امام حسین

باسم تعالى در نخست ورود ماه محرم و عاشوراء حسينى را…

جهان بی روح پدیداری دولت مستبد

دولت محصولی از روابط مشترك المنافع اعضاء جامعه می باشد٬ که…

ضانوردان ناسا یک سال شبیه‌سازی زندگی در مریخ را به…

چهار فضانورد داوطلب ناسا پس از یک سال تحقیق برای…

پاسخی به نیاز های جدید یا پاسخی به مخالفان

نویسنده: مهرالدین مشید آغاز بحث بر سر اینکه قرآن حادث است و…

طالبان، پناهگاه امن تروریسم اسلامی

سیامک بهاری شورای امنیت سازمان ملل: ”افغانستان به پناهگاه امن القاعده و…

  نور خرد

 ازآن آقای دنیا بر سر ما سنگ باریده عدوی جان ما…

عرفان با 3 حوزه شناخت/ ذهن، منطق، غیب

دکتر بیژن باران با سلطه علم در سده 21،…

شکست مارکسیسم و ناپاسخگویی لیبرالیسم و آینده ی ناپیدای بشر

نویسنده: مهرالدین مشید حرکت جهان به سوی ناکجا آباد فروپاشی اتحاد جماهیر…

سوفیسم،- از روشنگری باستان، تا سفسطه گری در ایران.

sophism. آرام بختیاری دو معنی و دو مرحله متضاد سوفیسم یونانی در…

آموزگار خود در عصر دیجیتال و هوش مصنوعی را دریابید!

محمد عالم افتخار اگر عزیزانی از این عنوان و پیام گرفتار…

مردم ما در دو راهۀ  استبداد طالبانی و بی اعتمادی…

نویسنده: مهرالدین مشید افغانستان سرزمینی در پرتگاۀ ناکجاآباد تاریخ مردم افغانستان مخالف…

ترجمه‌ی شعرهابی از دریا هورامی

بانو "دریا هورامی" (به کُردی: دەریا هەورامی) شاعر، دوبلور و…

تلویزیون حقوق ناشر یک اندیشه ملی و روشنگری 

نوشته از بصیر دهزاد  تلویزیون حقوق در پنجشنبه آینده،  ۱۱ جولای، …

افراطیت دینی و دین ستیزی دو روی یک سکه ی…

نویسنده: مهرالدین مشید در حاشیه ی بحث های دگر اندیشان افراط گرایی…

د مدني ټولنې په اړه په ساده ژبه څو خبرې

 زموږ په ګران هېواد افغانستان کې دا ډیر کلونه او…

از پا افتادگان دور جمهوریت

در خارج چه میگویند ؟ انهاا طوری سخن میرانند که افغانستان…

«
»

که بدلون غواړۍ، د ولسمشرغني پر تګلار راټول شۍ!

دې ورځو کې د نوې کابیني د اعلان د یو څه ځنډ په اړه، د معلوم الحاله رسنیو او ټاکلو اشخاصو او کړیو د تبصرو، څرګندونو او بیانونو تنور ښه تود او په غرغنډو دی؛ همداراز دوی ته دا ګټور فرصت ښکاري چې څونه اوبه خړې وي، هومره دوی پکې د زړه غوښت کبان نیولای شي!

ښايي ځینو ساده زړو او پاک نیتو ته دا پوښتنه هم پیدا شي چې د کابیني د ځنډ په اړه اوبه ولسمشر اشرف غني او د هغه پلویانو خړې کړې دي او له دې کبله دوی پخپله د بدلون او تغییر مخالفینو ته فرصت په لاس ورکړی چې نه یوازې د اهل کار او کاري کابیني د جوړښت مخه ډب کړي بلکې د هېواد د امنیت او پرمختګ لپاره د ولسمشر غني هڅې شنډې او تګلاريی وننګوي!

ځینې نور بیا هڅه کوي د نوې کابیني او د نویو بدلونونو د پیل ځنډ، په بشپړه او یومخیزه توګه په بهرني فکټور پورې وتړي او هر څه د امریکې د بهرنیو چارو وزیر جان کیرې لخوا وګڼي او په کور دننه فکټور او د پرګنو ځواک افغانانو ته یو ناڅیز شی وروپېژني؛ همداراز د پېښو په تغییر او بدلون کې د ولس وړتیا او پوتنسیال راښکته کړي او په دې تړاو هر څه په صفر کې ضرب کړي!

زموږ د یو زیات شمېر څېړونکو، شنونکو او سیاستوالو دریځ، دې بدوي او سنتي فتوې ته ورته پاتیږي چې وايي « ځمکه د غوايي پر ښکر ولاړه ده!»

موږ خپلو کړو وړو ته پام نه کوو او یا نه غواړو چې ورته پام وکړو، هر څه او هغه هم په یوه وار د نورو پر غاړه وراچوو او په ډېره اسانه توګه له خپلو ملي ذمه واریو اوږې باسو.

کله چې پخواني ولسمشر حامدکرزي امریکا سره د امنیتي تړون لاسلیک، د مخکیني شرط پتوګه، افغانستان کې د بشپړه سولې او پوره ټیکار سره تړلی وګاڼه، یو امریکايي لوړپوړې چارواکي يي په غبرګون کې وویل، امریکا د حضرت موسی همسا په لاس کې نلري چې په یوه چوف سره افغانستان ته سوله او امنیت راوړي؛ هغه مهال یو شمېر افغانانو په رسنیو کې د نوموړي امریکايي په خبره ملنډې ووهلي او د ښاغلي کرزي دلیل يي د کاڼې کرښه وبلله او را ته بیا د ښاغلي کرزي وړاندیز زموږ د کلتور هغه زړه خبره چې « ځمکه د غوايي پر ښکر ولاړه ده» رایاده شوه!

زموږ یو ګڼ شمېر افغانان امریکا او لویدیځ خدای مکړه ( خدای ) ګڼي چې ګوندې هر کار کولای شي خو بل پلو د خپلو ولسونو ځواک او اراده په نشت شمېري.

که افغانان ملي ذمه واریو ته خپلې اوږې ورنکړي، بهرنيان هغه هم په ښو شرایطو کې یوازې مرسته کولای شي نه ډېر او یا ټول څه!

نه ښايي هیڅکله  په کور ددنه د ولسي فکټور او بهرني فکټور ترمنځ مبالغه وشي او یو د بل پرځای ناسم درک شي.

بلخوا په ورته وخت کې په موږ کې ډېر بیا داسې انګیری، که جان کیری د ملي یووالی د حکومت دا موجوده بنسټ نه وايي ایښی، موږ به په بله لار اوس« مدینې فاضلې» ته رسېدلای وای!

خو زما پشان د ډېرو افغانانو په اند، که بهرني فکټور په وخت او پرځای مرسته نه وای کړی او خبره ټوله یوازې افغاني لیونیانو او لنډه غرو ته پاتې وای، موږ به هغه څه چې اوس يي د حکومت او نورو بنسټونو په بڼه لرو، ټول له یوې مخې تبا کړی وای! ځیني بیا دا هم وايي چې دغه لنډه غر هم د امریکایانو لخوا پالل کیږي، خو زه يي ځواب کې وایم چې که دا هرڅه امریکا کوي، زما اوستا ملي زمه واري څه شوه او څه ده؟ ګورو چې بیا هم موږ « ځمکه د غوايي پر ښکر ولاړه ده» تاویلي او ماویلي خبرې سره لاس وګریوان یوو!

په دواړو خواو کې موږ افراط کوو، کله بهرني فکټور مطلق بولو او په کور دننه فکټور هیڅ شی او کله بیا په کور ددنه وضعه هرڅه بولو او بهرني امکانات هیڅ!

اوس به د نورو خبرو پرځای لومړی د نوې کابیني د ځنډ خبره راواخلم.

د نوې کابیني د ځنډ خبره چې یو شمېر افغانان يي د امریکې او د دې هېواد د بهرنیو چارو وزیرجان کیري پر غاړه وراچوي، په حقیقت کې  دوی غواړي د امریکې په پلمه له خپلو ملي ذمه واریو وتښتي. بلخوا بله ډله افغانان بیا د دې پرځای چې د ستونزې اصلي زیرمې او سرچیني ته ګوته ونیسي او چاره يي وکړي، ټوله ملامتیا له ولسمشر اشرف غني ګڼي!

ولسمشر غني وايي « كابينه بخاطر معرفي نشده كه از يك ولايت شش وزير معرفي شده بود و اين قابل قبول ملت نيست، بخاطر یكه اين حكومت وحدت ملي است، نه حكومت وحدت ولايت.»

همدارنګه د ولسمشر حقوقي سلاکار ښاغلی عبدالعلي محمدي وايي« در مورد تاخیر اعلان کابینه باید تناسب قومی در کابینه رعایت شود، ما نمیتوانم از یک دره شش وزیر معرفی بکنیم واز یک زون یک نفر هم به کابینه معرفی نشود»

بلخوا د جمهوري ریاست ویاند نظیف الله سالرزي پرون مازدیګرناوخته ازادۍ راډیوته وویل، « جمهورریس د کاندیدو کسانو سره په مرکو بوخت دی ترڅو له جملې یې وړکسان د افغانستان ولسي جرګې ته ورمعرفي کړي.»

دا ټولې څرګندونې هغو کسانو ته وړ ځواب دی چې وايي ولسمشر غني د کابیني موضوع له ولس پټه ساتي او ولس ته ریښتیا نه وايی!

دا چې د نوې کابیني جوړښت د پنجشیر د یوې کوچنۍ درې لخوا یرغمل نیول کیږي او یا د پخواني جهادي ــ مافیايي حکومت فاسد چارواکي د کاري حکومت په اړه د ولسمشر اشرف غني د مخې خنډ ګرځي، زیات شمېر کسان بیا د داسې ستونزې اصلي زیرمې ته ګوته نه نیسي او له هغو ښویه تیریږي!

دلته پر هغه رسنیو او اشخاصو غږ کوم چې د کابیني په اړه د ستونزې اصلې سرچینه ولې نه په ګوته کوي او له حقیقت ویلو ولې تښتي؟

د کابیني د ځنډ ستونزه د پنجشیر له درې سره تړلې ده! دا ستونزه د جهاد او مقاومت درواغجنو ټیکدارانو رامنځته کړي!

اوس پوښتنه دا ده، څو رسنیو او یا څو تنو، په کابینه کې د شپږو پنجشیریانو پر ټاکنه، نیوکه کړې؟

څو تنه د دغه بې انصافۍ د غندنې لپاره لاریون ته راوتلي دي؟

ولې په دې اړه یوازې ولسمشر تر نیوکې لاندې نیول کیږي او د کابیني د ځنډ اصلي مجرمین له رسوايۍ پټ ساتل کیږي؟

داسې ډېرې نورې پوښتنې هم راوړاندې کېدای شي، خو زما پشان د ډېرو افغانانو نظر دا دی چې د ناوړه او نااهله کابینې پر ځای چې ژر معرفي شی، ښه دا ده چې وړ او د کار اهل کابینه معرفي شي که څه هم په ځنډ سره وي!

بلخوا د ملي یووالي په حکومت کې تاوان نشته، بلکې ملي اړتیا هم ده خو که ټول د ولسمشر غني لخوا په وړاندې شوې تګلار په ګډه مخې ته ولاړ شو!

د ۲۰۱۵ کال د جنورۍ ۸ مه

سرلوڅ مرادزی