انبیق یادها

رسول پویان صـدای بلـبـل آبـی و شـالـیــزارانم دوباره زنـده کند خاطـرات دورانم ز…

هیچ انسانی غیر مجاز نیست!

سیامک بهاری «اتباع غیر مجاز حق اجاره کردن خانه و ملک…

نزدیک به ۶۰ اجماع سازمان برای افغانستان – نشست دوحه…

که ۶۰ هزار اجماع هم برگزار شود – تا عنصر…

واهمه

از شكستن غرور واژه‌های تو  عطر باغچه هم شكست و قنارهای سركش…

نشست های جهانی و نبود اجماع سیاسی و بی پایانی…

نویسنده: مهرالدین مشید اجماع سیاسی در سطح ملی و بین المللی…

از بلند پروازی تا سقوط

عبدالصمد ازهر                 …

وحدت ضامن پیروزی وحافظ بقای ماست

پيشگفتار: مردم آزاده افغانستان در درازنای تاریخ هر زمانیکه خاک آبایی…

کدام دانه های تلخ را خلیلزاد در افغانستان کاشته است؟

      نوشته ی : اسماعیل فروغی       زلمی خلیلزاد نماینده…

اسلام گرایان از نفی سیطره ی غرب تا نفی فرهنگ…

نویسنده: مهرالدین مشید نفی سیطره ی غرب را نباید با نفی…

حکایت خورشید

رسول پویان چـو بـال مـلۀ صـیـاد از پـرِ خـام است تـمــام پـرّش…

تان «پیرمرد من»

نویسنده «ارنست همینگوی»؛ مترجم «جعفر سلمان‌نژاد» حدس می‌زنم الان به آن…

فراخوان بخاطر نجات أفغانستان

به نام خداوند حق و عدالت سازمان ملل متحد در نیمه…

دریای عشق

{تقدیم به ساحت حضرت ختمی مرتبت(ص)} یا محمّد، گوهر دریای عشق!  ای…

افغانستان افتاده در زیر پاشنه های تروریسم و رویا های…

نویسنده: مهرالدین مشید مبارزه برای یک افغانستان واحد از رویا پردازی…

فریاد فدرال خواهی از گلوی فراریان جمهوری

           فدرالیزم ، تجزیه نیست .           …

خون عشق و محبت

رسول پویان بیا که دامن صحرا سبز و رنگین است بهــار نـاز…

نویسنده گی مسؤولانه یعنی نفخ صور و برپایی شور در…

نویسنده: مهرالدین مشید قسمت سوم نویسنده گی یعنی روایت آفرینی و اسطوره…

بزرگترین کشور جهان و 50 کشور پهناور دنیا از لحاظ…

با نگاه کردن به نقشه جهان پهناورترین و بزرگترین کشورهای…

فیزیوکراتی،- دست دراز سرمایه داری در اقتصاد فئودالیستی

Physiokati. آرام بختیاری فیزیوکراتی،- طبیعت و کشاورزی کلان در خدمت بورژوازی.  فیزیوکراتی واژ…

«
»

  چیرې ټاکنې او ډیموکراسي او چیرې نظارشورا!

     ځار شه د هوا او حرص خیال تر قناعته

چیرته ملک د مصر، چیرته ده د غلامان

رحمان بابا

ځو ورځې وړاندې،امریکا غږ سرهښاغلي ګلین کوانچې افغانستان کې د رایو د تفتیش یو نړیوال څارونکي او د ډیمو کراسۍ انټرنشنل مشر دی، مرکه کړې وه چېهغې کې يی ویلي وو د « رایو تفتیش به اعلان شوې پایلې بدلې نه کړي».

بلخوا کله چې کابل کې د امریکا سفیر کننګهم د رایو د تفتیش په پایته رسېدو د ټینګار ترڅنګ وویل : « د رایو د تفیتش بریالۍ پروسه او د سیاسي موافقو په پای کې چې د ملي یووالي حکومت به یې په نتیجه کې جوړ شي؛ نه یواځې د افغانستان د امنیت او پرمختګ لپاره اهمیت لري؛ بلکې د افغانستان او نړیوالو تر منځ اړیکې هم پراخې او زیاتې ټینګوي.دا د کاندیدانو هدف دی هغه هدف چې موږ یې په بشپړه توګه ملاتړ کوو چې د سپټمبر په لومړیو کې د ناټو په سرمشریزه کې نوی جمهور رییس د افغانستان په استازیتوب برخه واخلي. تاند»

دګلین کوان او کننګهم  دغو روستیو څرګندونو او د رایو د تفتیش بهیر، د نظارشورا څو معلوم الحال لنډه غر،یوځل بیا وتورول او د ټاکنو د بهیر او د اساسي قانون په وړاندې يي د څرګند یرغل نوی پړاو راپیل کړ!

په نظارشورا کې د لنډه غرو سرخېلي د پرون په توپير، نن د بلخ تښتېدلی والی عطامحمد نور پر غاړه لري. عطا نور د بلخ ولایت چارې پخپل فرمان مرستیال والې ته حواله کړې او خپله  لومړی په بهر او اوس کابل کې د ټاکنو د پایلو په وړاندې د مدني پاڅون په نوم یوې شرمېدلې کودتا ته په تمه دی.

عطا نور چې خونړي اسلامي جمعیت کې يي د عمر له مخې زوړ پښت نه شو ګڼلای، په اندونو او لیدلورو کې، تر ټولو جمعیتیانو متحجر او توندلاری شمېرل کیږي.عطانور په نظارشورا کې د ټاکنو د بهیر او اساسي قانون سره په ډغرو کې، د جمعیتیانو په مخکي لیکه کې ولاړ دی. دی یوازې هغه ټاکنې مني چې په پایله کې يي نظارشورا خامخا بریالۍ شي. دی وايي « که عبدالله بریالی نه شي، مدني پاڅون به وکړو»

د عطانور په اند، د ۹۰ یمې لسیزې پشاند کابلښار بیا چور، تالان ،کنډواله او ټولوژنه ، مدني پاڅون ګڼل کیږي. نوموړی د نظارشورا له حرفوي غلو او مدني ضد څېرو څخه، مدني پاڅون غواړي او د نظارشورا لیکوالان او رسنوال لګیا دي، هغه بیا افغانانو ته سپین او قانوني ځلوي!

ډیموکراسۍ لپاره په ټاکنو کې، لومړۍ خبره د ماتې او بریا په مهال زغم دی. د ماتې نه زغم او د بریالي ټيم په وړاندې هر ډول خوځښت او غبرګون که څه هم هغه ته د مدني خوځښت اویا پاڅون نوم ورکړو، ملي او دیموکراټیک ضد عمل دی.

عطانور یوازې د ټاکنو کمیسیونو ته پټکې او ګواښونه نه کوي بلکې هغه دا هم وايي چې د بهرنیانو تر څارنې لاندې پر هغه تفتیش چې دا بهرنیان هم د نظارشورا په غوښتنه د ټاکنو د تفتیش د څارنې لپاره راغلي، باور نه لري.

عطا وايي:«دا ځل ټول پوهېږي چې ده (عبدالله) وګټله، خو د ارګ، حکومت او د انتخاباتو د کمیسیون مثلث درغلي وکړه. »

عطا نور دلته بیا هم د نظارشورا پریکړه، د ټولو افغانانو پریکړه بولي اوغواړي« عبدالله وګټله» تر سرلیک لاندې د خپلو غلو ډله، د ۹۰ یمو کلونو پشان په یوې بلې کودتا سره خو دا ځل د « مدني پاڅون » په نوم پر افغانانو وتپي. دلته د یوه مخکیني پلان له مخې ارګ، حکومت او د ټاکنو خپلواک کمیسیون سره ګډوله کیږي او د ټاکنو د پایلو په وړاندېد « مدني پاڅون»په نوم کودتا پلانیږي!

دا شان، نن پنجشنبه د اګست په ۲۱ مه، د عبدالله ټیم دوهم مرستیال محقق هم مخکې له دې چې د رایو تفتیش بشپړ شي او د ټاکنو خپلواک کمیسیون دټاکنو پایلې اعلان کړي، ډبل عبدالله په ټاکنو کې بریالی اعلان کړ. ټول پوهیږي چې د محقق او عطانور دا ډول څرګندونې، د ټاکنو د بهیر د سبوتاژ، بدنامۍ او ناکامۍ لپاره ترسره کیږي!

همدارنګه په نننۍ غونډه کې عبدالله د « رایو د روان بهیر ملاتړ وکړ او هم یې پر هغه انتقادونه وکړل. عبدالله همداراز هم ځان بریالی وباله او هم یې خبرداری ورکړ چې که دوهم کاندید ته مساوي واک ورنه کړای شو په هیڅ صورت به یې ونه مني.»

د عبدالله د ګډووډو او اړوپیچ خبرو څخه څرګندیږي چې هغه د نظارشورا او د محقق ډلېتر سخت فشار لاندې دی. د رايو د بهیر ملاتړ يي د عطا نور او محقق له دریځ سره توپير لري، ځکه هغوی دواړه په ښکاره د رایو په بهیر باور نلري. خو په ورته وخت کې دا چې عبدالله وايي په ټاکنو کې بریالی دی او بلخوا وايي « که دوهم کاندید ته مساوي واک ورنه کړای شو په هیڅ صورت به یې ونه مني»، ښايي دا ګډې وډې د خپل بایلونکي ټیم د خوشحالۍ او مورال لپاره وکړي.

د عبدالله ټاکنیز ټیم چې د نظارشورا پر محور راغونډ دی، له متوفي مجاهدینو لکه تورن اسماعیل او عبدالرب سیافه نیولې، د ستمي سیکټاریستانو لکه پدرام او نورو او د کارملي بدنامو پرچمیانو لکه علومي، مجیبالرحمان رحیمي او نورو څخه چې د بهرنیو بېلابېلو جاسوسي کړیو څخه يي لارښوونه کیږي او بېلابېلې تګلارې لري، په ټاکنو کې هم ټاکلې کړنلار نلري. تصادفي نه ده دغه ټیم، ټاکنې چې د ډیموکراتيک نظام بسیا لپاره یوازینۍ لار ده، سبوتاژ کوي. ددغه رسوا ټیم ټولې ترکیبي لومړۍ کړۍ د ټولنې رنځوره، روسته پاتې او پریوتې څېرې دي. ددوی ټولو لاسونه د افغانانو په وینو ککړ دي، دوی د کرزي د پير او حکومتد فساد او چور بنسټيزه برخه جوړوي. دوی هم حامد کرزی حکومت کولو ته پرينښود او هم يي په افغانستان کې نړیواله ټولنه افغانانو ته بېکاره او بدنامه وځلوله.

د ټاکنو په وړاندې ددوی تېره څو میاشتنۍ  کرونولوژي ښۍ چې دوی نه په دیموکراسي او نه په ټاکنو باور لري او نه يي غواړي، دوی د دیموکراسۍ پېښې او اکټونه له لویدیځ څخه د ډالرو د شکولو او د افغانانو د زندۍ کولو لپاره ترسره کوي!

هغه روشنفکران چې د نظارشورا او پر دې محور د راټولې مافیا لپاره لیکنې کوي چې ګني دوی ټاکنو او دیموکراسۍ ته ژمن دي، په حقیقت کې دوی خپله د ټاکنو او د هغو په مټ ددیموکراسۍ ریښه په تیشه وهي!

طالبانو د ټاکنو په دوهم پير کې افغانان له ګډون څخه منعه نکړل او د ټاکنو په وړاندې يي د مدني پاڅون په نوم کودتا ونکړه. بلخوا اسلامي ګوند په ټاکنو کې پراخه ونډه واخیسته او خپل پخواني دریځ يي د تاریخ په ګورنډي ومنډه. دا هغه ګوندونه او ډلې دي چې د نظارشورا لیکوالان يي ټاکنو او ډیموکراسۍ سره ددوښمنۍ په پلمه، په غندلو نه مړیږي او ددوی په تور او پلمه ټول پښتانه په نښه کوي!

خو اوس د نظارشورا په لیکوالو او رسنوالو غږ کوم چې د خپلې نظارشورا لنډه غرو ته پرتوګ واغوندي چېهم يی ټاکنې وشرمولې او هم يي هغه دیموکراسي وشرموله چې دغو ښاغلو ورته ددوی په استازیتوب مقالې لیکلې!

د ۲۰۱۴ کال د اګست ۲۱ مه

سرلوڅ مرادزی