د حنیف اتمر په هکله د څو تنو څرګندونې
چمتو کوونکی ا- ځواک
وایي چې اختر پټ میړه نه دی او همدا شان پیسې ځان په خپله ښیي؛ خو زه وایم چې علم او پوهه هم ځان په هر میدان او ډګر ثابتولای شي له انسان شخصیت جوړولای شي او د خلکو په زړونو کې ځانته ځای پیدا کولای شي.
راځي په پیل کې د حنیف اتمر په هکله د ځینو نظریات ولولو:
ښاغلی حنیف اتمر زما د پنځه ویشتو کلونو نږدی دوست او دواړه د تیرې یوې نیمې لسیزې د سیاسي جریانونو د لاری کلک او نه بیلیدونکي ملګري یوو. نوموړی د ژور سیاسي تدبر او تحلیل، سالم او جوړونکي فکر، دوراندیشۍ، فوق العاده عالي مدیریت څښتن او د ملي مصلحتونو او ملي یووالي د ټینګښت لپاره د تعقل او حوصلې د سیاست پلوی دی. نن د هیواد ډیرې فعالې او نیمه فعالې مهمې ملي ادارې او پروسې د ښاغلي اتمر د زحماتو او عالي بې جوړې مدیریت او ابتکار مدیونې دي. پداسې حال کې چی
د هیواد د ملي امنیت د سلاکار له مهمې دندې څخه به د نوموړي نننۍ استعفأ د حکومت لپاره یوه ستره تشه رامنځته کړي متیقین یم چې د نوموړي تصمیم به پر احساساتو نه بلکې د هیواد لوړو ملي ګټو ته په کتنه او هر اړخیزه ارزنونو پر بنسټ وي. ښاغلی اتمر ته په راتلونکې کې چې د هیواد په سیاست کې به لا ښکیل وي لا زیات بریالیتوبونه او سر لوړۍ غواړم.
ډاکټر عمر زاخيلوال
***
د اتمر صاحب تشه به هيچ څوک ډکه نکړی، پر تګ يي خفه شوم !
رڼا دروانۍ غورځنګ
***
د حنیف اتمر په استعفی له زړه څخه خفه شومه ځکه اتمر ددې هېواد اصیل بچی وو او دی او هم د اوسني نظام د ملاتیر ګڼل کیده، خو داسې اوازې روانې دي چې اتمر ولسمشریزو انتخاباتو ته د غنی په مقابل کې ودریږي زه خو دا وایم چې اتمر صیب دې هسې د افغانانو لخوا ورکړل شوی شهرت او عزت په سیند نه لاهو کوي، زما او د نورو با احساسه افغانانو رهبر غني دی او په اینده کې به هم وي.
***
ازبلندترین مقام استعفا داد!
ولی دولت خودمختاردرلغمان اعلان نکردبرق کابل راقطع نکردبندرتورخم رانبست.راه کابل لغمان رامسدودنکردسفارت خانه ها و وزارت هانخواست.نگفت که دندانهایت را در دهانت میریزم.به کسی توهین نکرد.پشتون وتاجیک وهزاره واوزبیک نگفت،
هیچ نگفت
فقط استعفا
حتی کسی خبرنشد.
***
د اتمر صاحب په استعفا دیر خواشینی شوم لویه هستی وه زمونژ د دولت
پښتو پالم
***
ولسمشر غني:
زما لپاره د یو ملګري او دوامدار همکار د استعفا منل سخت کار و، هيواد؛ اتمر صیب ته اړتیا لري.
د میرویس ستانیکزي له فیسبوک پاڼې څخه.
ښاغلی اتمر د کار سړی و سخت پرې خپه یم!
***
او همدا راز په سلګونو نور کسانو ورته نظرونه لیکلي دي.
درې لاملونه دي چې له یوه انسان سره د نورو مینه او لیوالتیا پیدا کېږي:
لومړی؛ د حُسن او ښکلا له امله چې یو انسان نور ځان ته راکاېږي.
دویم؛ د شتمنوالی او بډاینې له امله له شتمن کس سره نور انسانان مینه او لیوالتیا پیدا کوي.
او درېیم دا چې د کمال او پوهې له وجې له یوه انسان سره د نورو خلکو مینه او لیوالیتا پیدا کېږي او د اصل تر ټولو ښه دی؛ ځکه چې د پوهو انسانانو له برکته نورو ته هم ګټه رسي، نورو ژوندویو موجوداتو یې ګټه رسي او نور خلک هم له ځانه سره هملاری کولای شي؛ خو زه فکر کړم چې نوموړی حنیف اتمر دا درې واړه ښګنې لري؛ نو ځکه ډیری خلک پرې مثبتې لیکنې کوي او ښه یادوي.
رابه شو اصلي خبرې ته چې هغه له هېواد سره د هېواد پالنې خبره ده هغه دا چې زه فکر کړم څوک چې خپل وطن ته د مور په په سترګو ګوري او د دې خاورې ملي ارزښتونو ته ژمن وي هغه به د دنیا او اخرت سرخروی وي او د تاریخ په زرینو کرښو به یې نوم لیکل کېږي او همدا شان به د خدای پاک له رحمه هم نه برخې کېږي ځکه د مور مینه د کور مینه او خاورې مینه سره تړلي دي.
او هغه خرڅ شوي کسان چې د تعلیم او پرمختګ مخنوي کوي د هېواد پلونه د دښمن د خوشالولو په خاطر ورانوي، د نجونو د تعلیم مخه نیسي هغه به همېشه مختوري او د دنیا او اخرت له آرام ژوند نه به خوند وانخلي او په ډول نه په ډول به هم په دنیا کې زورول کېږي او هم به په هغه دنیا کې د اتلسو زره قوم په وړاندې سرښکته وي.
نو راځئ له خپل هېواد سره د مینې روحېه غښتلې کړو او د خلکو او خدای رضامندي خپله کړو او بس.