دافغانستان دجمهور ریس اودپارالمان دغړو او سیاسی احزابو د توجه وړ
لیکونکۍ : دکتور طاوس وردک لندن د ۲۰۱۶ کال د اکتوبر څلورمه نیټه
قدرمنو هیواد والو، محترمو سیاست پوهانو ، اقتصاد دانانو ، او خاصتا مسلکی او مکتبی افسرانو سلام .
د مکلفیت د دورې په ارتباط ما په وار وار د جناب کرزی صاحب، دکرزی صاحب دوزیرانو دفاع ، دوسله وال پوځ افسرانو او نورو لوستونکو ته او همدارنګه د پارالمان غړوته لکه ( محترمه شکریه بارکزۍ – محترم د پارلمان دتفتیش دکمیسیون ریس او د پارالمان ریسابراهیمی صاحب ) ته له لندن څخه د هغو وسلو په شمول چې موږ د دکتور نجیب ا لله په دوران کې درلودلي دهغو عکسونه هم دغو عالی جنابانو ته لیږلي وو ، خو په ډیر تاسف سره چې یوه ( دکرزی صاحب نه شروع تر اخرین فرده د دی حکومت یوه هم زما خبره نه ده اوریدلي.
شاید اوریدلې ېې وی خو غرب په راس کې ېې امریکا نه ده ورسره منلې او هغه په څه ؟؟؟
په دې چې امریکا غوښتل زموږ بیسویه – مزدورو وزیرانو او کرزی صاحب ته ووایی چې موږ د تاسې تر څنګ شتون لرو ضرورت نشته چې تاسې ډیر لوی ، عظیم ، تربیه شوۍ ، تحصیل یافته ، او بل اخره ملي وسله وال پوځ ولرۍ او ضرورت سقیله وسلو ته نشته ، مخکې له دې نه امریکا د افغانستان د ملی وسله وال پوځ قسمت اعظم محاربوی تخنیک بمبارد او په کباړ بدل کړو ، یو مقدار ېې خپلو هیوادو ته انتقال کړو ، یو مقدار مجاهدینو په خپلو منځو کې تقسیم او چپاول کړوالبته د خپل قوت او زور په اندازه او هغه ېې په پاکستان او ایران او عربی هیوادوخرڅ کړل، په ډیر تاسف سره ؟؟؟
سپکی وسلی لکه کلاشینکوفونه او کله کوفونه ، ماشیندارونه چې په سلاح کوټو کې پراته وو د خولی له طرفه نټ او بولت کړي، مجاهدینو ته ېې صرف دا ویل چې د ملحدینو ( کمونستانو یعنې شورویانو او د خلقیانو او پرچمیانو ملحدینو ) وسلې باید د پاکو مجاهدینو په لاس کې نه وې او موږ( امریکا ) او نورغربیان نوې وسلې درکوو ؟؟
یوه مجاهد ، یوه ملا ، یوه روحاني ، یوه روشن فکر ، یوه دجهاد رهبر یوه لوی خیټي شیخ او قومی سپین ګیري ونه ویل چې که روسان کافران او کمونستان او ملحدین دی ، نو تاسي څوک یاست او تاسې کومه قواله یا سند لرۍ چې په مسلمانانو رحمیژۍ او رحم ورباندې لرۍ ، هیچا ونه ویل چې با خبر یو میل وسله خرابه – یا ماته – یا له منځه لاړه نه شي ، که دغه مفکوره د مجاهدینو سره پیدا شوې وای نن به زموږ وسله والپوځ ۴۵۰ هلیکوپترونه – ۴۰۰ جټ طیاری – ۷۰۰۰ عرادی ټانکونه او مدرن رزه پوشونه – په زرهاوو میله دتوپچي مختلف راکټونه لکه اورګان – لونا – سکات – بي ایم ۲۱ او رادارونه او دافع هوا ۱۰۰ م م او ۵۷م م او ۳۷ م م ، شلکا او زیګویک او داسې نور درلودل او ضرورت به یوه شی ته نه وو که ( حکمتیار بیرته دغه تخنیکی محاربوي وسایط بیرته را وړی نو دا به یوه معجزه وي ،او صرف در ترمیم له پاره په پلچرخی که ترمیمیدلای شول ، خوپه ډیر تاسف سره چې یو مهم کار هم ونه شوو ، دامریکایانو د بمبارد مخه یوه هم ونه نیوله .
توطیه دارنګه پیل شوه : –
اولین کار ېې د ملي او تاریخی وسله وال پوځ مضمحل کیدل او د هغو چپاول او ترکه د اسلامی احزابو تر منځ وه هغه فیصله چې د نواز شریف د فرمان په اساس شروع او ختمه شوه ، دغه میړنی وسله وال پوځ تخریب شوواواولینه ضربه هم په تحصیل کرده – وطن پرستوکدري افسرانو وارده شوه او دیوه سره د خلقی او پرچمی په نامه ( ډي ډي آر ) کړل او دغه ناولې توطیه ګره برنامه په پاکو با ناموسهافسرانو
وارده شوه د پاکستان په اشاره او د امریکا په بمباریو عملی شوه ، دوه مهم کارونه امریکا د پاکستان په اشاره تر سره کړل ( اول ېې ثقیله محاربوی تخنیک د هلیکوپترو او جت طیارو -ټانکو – ټوپو – راکټو – هاوانو – نقلیه وسایطو په شمول تخریب ، کباړ او په پنجابیانو وپلور —- دوهم کارېې د ملي وسله وال پوځ په کدري افسرانو ضربه وارده کړه ، دملي وسله وال پوځ ، کدورنه ېې په کور کینول او کچالو خرڅولو ته ېې مجبور کړل ، په دغو اولینو اقداماتو ېې د مجاهدینو د نوي او تازه نفسه او بی تجربه جهادی ګیرورو افسرانوحکومت ملا ماته کړه ( وسله وال پوځ ېې خلع سلاح کړو، خلع قدرت ېې کړو
، د ستراتیژیک لحاظه ېې د محاصری تنګه حلقه په مجاهدینو باندې تحمیل او تطبیق کړه، طالبان او دری نور مجاهد، سخت دریزه جهادی تنظیمی رهبران لکه ( حکمتیار – حقانی او ملاعمر ) د پاکستان په مستقیمه رهبری او د امریکا او غرب په مادی مرستو د جهادی حکومت په ضد قویا حمایت او تمویل کړل ،ګویا چې په کرزی صاحب او دهغو په حکومت ېې داتوم بم استعمال کړو ؟
بیا ېې مجاهدین او طالبان په څو برخو تقسیم کړل ( په دولت کې مجاهدین او طالبان – د دولت نه بیرون مخالف مجاهدین او طالبان ، لکه ( حکمتیار – حقانی – ملاعمر) د دولت نه بیرون دیوه ملیشایی ، قلدری اشراری حکومت امرین او ریسان چې مستقیما د امریکا – انګریز – جرمنی – فرانسې- پاکستان – ایران او عربستان ) لخوانه تسلیح – تحریک – او په تروریستی کمپو کې تربیه شول او تر ننه د پورتنیو هیوادو په دستور زموږ بیګناه افغانان وژني د اشرارو مجاهدینو او طالبانو نمایندګان په دولت کې دوزیرانو – والیانو – ولسوالانو او په وسله وال پوځ کې د قوماندانانواو پولیسانو او امنیتی اورګانو کې ) وظیف واخیستې لکه ( فاروق وردګ – ارغندی وال – کریم خرم – عمرداودزۍ – دحکمتیار طرفداران او ( ملاسلام اخوند – متوکل اخوند – ملاضعیف اخوند ) دطالبانواستازي او هره ورځ دریو ( اشراری جمهورو ریسانو یعنی حکمتیار،حقانی او ملاعمر ته را پورونه ورکوی او اعانه او د عملیاتو اطلاعات په وقت او زمان سره وړاندی کوې.
او بیا امریکا وای د ( حکمتیار – حقانی – ملاعمر) دسر ۲۰۰۰۰۰۰-۲۵۰۰۰۰۰۰ دالره جایزه ورکوی او خلک تیر باسي په داسې حال کې چې غرب خاصتا امریکا – انګریز او فرانسه په اسمان کې ستوری شمیري او تر مځکه لاندی تر ۳۰۰۰ متره لاندی تحت البحری- راکټونه او نور جاوسوسي شیان تر څارنه لاندې نیسي او په ضمن کې د ( سي ، آی ،اي) نفر د اشرارو د نمایندګانو سره جوړه ګرزی او ټول مصارف ېې ورکوي پوشتنه داده چې نه ېې نیسی او نه ېې وژني ، ځکه ددوی په ذریعه شکار کوی ، اوبه خړوی او مایان نیسي ؟؟؟
غرب (امریکا ) هره ورځ د سټلایت له طریقه د طالبانو قطارونه او ِغونډې( ټولنې یا مجلسونه او په موټر سایکلو سپاره طالبان میدیا ته شکاره کوی ، خودز نه ورباندی کوي ) او تربیوی ځایونه ېې په وزیرستان او کویټه او نورو علاقو د پاکستان او ایران کې د تلویزیونو له لاری خلکو ته ښيي خو یوه ورځ ( ډ رون بم غورځونکیو طیارو ) په دوی بم وا نه چول او نه ېې پاکستان ته اخطار ورکړو چې دغه مرکزونه که بند نه کړي نو موږ ورباندې عملیات کوو؟؟
بیا امریکا دغه ۱۴ کاله د افغانستان جهادی حکومتی چارواکو او تکنوکراتانوته بازی ورکړه او صرف یو تعداد سپک زرهی موتران ېې ورکړل خو (( زرهدار – ټوپداره ټانکونه – ټوپونه، ټوپچي دمځکې نه مځکې ته راکټونه لکه ( اورګان ، لونا ، سکات )کمیا وګاز – هلیکوپترونه – جټ طیاری – رادارونه – دافع هوا راکټونه تر ننه نه دي اکمال شوي او اوس بیا پاکستان لمسوی چې هره ورځ زموږ په حریم تجاوز ته ادامه ورکوۍ ، نه یوازی چې دوی ېې نه ورته اکمالوی د ( روسي ) نه ېې هم منع کوي چې روسی وسلی تر لاسه نه کړي ، دولتی چارواکی چې یوه میاشت د عسکرو سره عملیاتو ته تللي وای دوی به لیدلی وو چې زړی ( ډیموډې ) بیکیفیته وسلې چې وروسته له دیرشو مرمیو بندیژي او یا لاس سوزوی نو دعسکر بیچاره د ژونده څه خبر دی؟؟ نه زما مني نه د عسکرو مني ، زموږ له پاره هماغه روسي وسلې او محاربیو تخنیک ضرور دی چې باید اکمال شی ؟؟ او بس.
اوس راځم د ملي او اجیر وسله وال پوځ په مورد څو خبری درته وړاندی کوم
ملی وسله وال پوځ هغه وو چې د ببرک کارمل او دکتور نجیب الله په زمان کې وو ، هلته هر څه د سرباز په خدمت کې وو ، او هر سرباز پوهیدو چې دوه کلنه دعسکری دوره یو مقدس خدمت دی د وطن – استقلال – دخاورې دتمامیت او د اسلام نه مقدسه ساتنه دهر ځوان چې ۱۸کاله ېې پوره کول عسکرۍ ته تلو اګرچې یو تعداد د عسکرۍ نه ډاریدل او نه حاضریدل او په بازار کې د قطعاتو له خوانه جلب او احضار کیدل، دلیل ېې داوو چې ۵۰( پنځوسو ) غربی هیوادو او ( لسو ) ۱۰ عربی هیوادو چې ( پاکستان -ایران – عربستان -امریکا او انګریزان ) ېې په راس کې وو تبلیغات کول چې دافغانستان اسلامی رژیم د کفارو تر اشغال لاندی دی او ملان زیادتره د اشرارو په خدمت کې وو او نن هم ملان او روحانیون د کفارو نه معاشونه اخلی او مزدوران ېې دي، خو دملی اوردو سربازانو دوطن (دین) په پوره امانت داری تر سره کولو او شعار داوو چې ( سر ور کوم سنګر نه ورکوم ) او هغه وخت دشمنان مخصوصا زموږ دشمن هیوادونه زموږ د وسله وال پوځ نه ویریدل ، انتحاری ډیر کم وو ، انفجارات ډیر کم وو ، ځکه زموږ امنیتی ارګانونه او پولیس ډیر مسلکی ، متخصص او دیوه عالی مورال او صداقت نه برخورداره کسان وو.
خو اوسنۍ وسله وال پوځ ( اجیر – مزدور – مصلحتی – تنظیمی – سمتی – مذهبی – د پاکستان – ایران – عربستان ) او خاصتا د ( حکمتیار – حقانی – ملاعمر- محقق – خلیلی – پنجشیریانو خاصتا جمیعت یانو او دوستم پادشاه ) سربازان او نمایندګان په کې تنظیم دی او همدا وجه ده چې همیشه دشمنان زموږ د قطعاتو د علمیاتو،را پورونه تر لاسه کوي، ډبل ګیم بازی کوی ، مهمات – تیل – وسلی او پوستي – ولسوالۍ او ولایتونه خر څوي او زموږ قطعات دتلفاتو سره مخامخ کیژي ، دغه ننۍ وسله وال پوځ که یوه ورځ دیوه دشمن هیواد سره جنګ ته مجبور شوو ددوی په فرمان او دستور دیوه سره تښتي یا دشمن ته ور تسلیمیژي او که معاش ورته ونه رسیدو نو هیڅکله خدمت ته نه حاضریژي ،او که د تنظیمو په خوله ریس جمهور ونه کړل نو هرومرو ورته توطیه جوړوی او کود تا ګانی به همیشه جاری وې.
پیشنهاد: –
دوه کلنه د ملکفیت دوره رواج کړۍ حتمی سوال دی ، او دهر سرباز میاشتنی معاش ۲۰۰۰ افغانۍ دمیاشتې جیب خرچ دری وخته ډوډۍ ، لباس ، بوت ، صابون ، شامپو ، دګیری ماشین ، سلمانی ، حمام ،جومات، سپورتی میدانونه ، تفریحی پروګرامونه د سربازانو او افسرانو په اختیار کې ورکړل شي.
د خارجی هیوادو د ګدایی نه د سربازانو د معاشاتو په خاطر خلاصیږۍ او هر کال تخمینا (( د ۳۰۰۰۰۰ لکو سربازانو دمعاش نه که هره میاشت ۹۰۰۰ افغانی سپما شي نو ۵۹۰۰۰۰۰۰ ( نه پنځوس ملیونه ډالره دیوی میاشتی ) سپما راځي او دکال تخمینا (۷۰۰،۰۰۰،۰۰۰)ملیونه سپما را ځي چې لا اقل یو دبرق بند ورباندی جوړیژي ،دبلی خوانه یوه خارجی مشاور ته دتعلیم او تربیی په خاطر ضرورت نشته ، او مهمه خبره داده چې د امریکا ، پاکستان توطیه چې زموږ هیواد او وسله وال پوځ ته ېې دام ایښۍ دی ددی دامه باید ځانونه خلاص کړۍ.
ډیر ساده دحل لاره، البته دیوه با ناموسه – وطن پرسته -تحصیل کرده – سیاست پوه – افغان پرسته -غیر مجاهد – جمهور ریس – وزیرانو – والیانو او ولسوالانو په ذریعه ممکنه ده یعنی دهیواد د قیمتی ډبرو معادن دیوه سره ملي شي، ددی درکه ۳-۵ ملیاردو ډالر زموږ بودجې ته لویژي ،بله لاره د تریاکو او هیرویینو انحصار ددولت په لاس کې لا اقل تر دوو کالو چې موږ یو ځل وسله وال پوځ تجهیز کړو ، بله منبع د لویو معادنو د قرارداد نه تمویل شي نو هرومرو موږ د بیګانه د احتیاجه خلاصیږو ، هم محاربوی تخنیک اکمالولای شو او هم د سربازانو دمعشیت ټول مصارف پوره کولای شو.
دغه کار دیوه اصیل – وطن پرست – مستقل اندیش – مبتکر – سیاست مدار – بیطرفه راتلونکي افغان ریس جمهور وظیفه شمیرل کیژي که مبتکرین – سیاست پوهان – اقتصاد دانان – ارکانحرب فروفیسور او د دکتورا خاوندان نظامیان – روحانیون – ملان او طالبان – سپین ژیري – مخور خانان او قومی مشران داسې یو څوک پیدا کړي او اتکا ورباندې وکا او ورنه د پورتنیو کارو تضمین ترلاسه کړو نو باور ولری چې افغانستان ضرور سراط المستقیم ته البته د ( متخصص – تحصیل یافته – وطن پرستو – پاکو کسانو چې لاسونه ېې په وینو سره نه وی او درشوت جیبونه ېې په لباس کې نه وی ) د داسې ټیم سره افغانستان دغرب او شرق دتوطیو سره سره د ترقۍاو تمدن او امنیت مدار ته رسولي شواو د غرب له اشغاله نجات ورکولای شو دا یو فورمول دی تطبیق ېې په پارالمان پورې اړه لری ، زما د فیسبوک ملګری او دسایټو چلونکي باید دغه مضمون پوره نشر او شیر کړي .
