توره سیلۍ
د ھر ماشوم نه یی قلم مات کړو ، کتاب یی وسوو
د ټول ولس نه یی جومات وران کړو،محراب یی وسوو
لکه دیوان په شنه چمن راغلل ، ګلان یی چورکړل
د ھر بلبل وزریی مات کړل ، ھرګلاب یی وسوو
توری سیلۍ وی ګډی وډی په دیره ګډی شوی
د یا قربان ټپه یی غلی کړه ، رباب یی وسوو
د مرګ قاصد وو ، نوریی دلته ژوند ګناه بللو
د مرګ اسباب یی ویشول،دژونداسباب یی وسوو
ھغوی چی تل یی د ثواب په نوم ګناه کړیده
دوی د ثواب په نامه راغلل خو ثواب یی وسوو
الحاج الھام الدین قیام
والدورف/جرمنی
۲۷/۰۴/۲۰۱۴
