وفاق او اتفاق
وران وطن موپه نفاق جوړیږي نه
په وحشت او اختناق جوړیږي نه
په وفاق او اتفاق وطن جوړیږي
یو له بله په شقاق جوړیږي نه
د قومونو ترمنځ ټینګ یووالی غواړي
یو له بله په فراق جوړیږي نه
د جګړی ورانۍ په سوله کی جوړیږي
د بل جنګ په اختراق جوړیږي نه
د وطن جوړول کار او زحمت غواړي
تش د غورو په اغراق جوړیږي نه
د توپک په عوض بیل اوکولنګ غواړي
په برچه او په قُنداق جوړیږي نه
د جګړی پرھر، ملھم غواړي قیامه
په متروکه او شلاق جوړیږي نه
الحاج الھام الدین قیام
والدورف/جرمنی
۰۳/۰۵/۲۰۱۴
