د ملتونو غله
داسی غله شته چی ملکونه غلاکوي
پکی جګ جګ پراته غرونه غلاکوي
ټول ثُروت او جایدادونه خو د ځان کړي
پکی میشت ټول ولسونه غلاکوي
د عزت اود حُرمت پروایی نکړي
دوی ولس لکه پسونه غلاکوي
د فرھنګ او ثقافت چورته یی ناست دي
دوی د خلکو فرھنګونه غلاکوي
په وطن د مینتوب روحیه یی وژني
دوی یی ورو ورو غیرتونه غلاکوي
خپل افکار په بل ملت ورتپل غواړی
دوی د ټول ملت فکرونه غلاکوي
دوی د نورو ژبی وژني ، خپله پالي
دوی لدی لاری قومونه غلاکوي
دوی د خلکو د تاریخ بدلول غواړي
د ویاړ ډک ټول تاریخونه غلاکوي
د دی غلو په ضد قیام په کاردی خلکو
که نه ، دا غله ملتونه غلاکوي
الحاج الھام الدین قیام
والدورف/جرمنی
