ښه حکومت داری یعنې څه او څه وخت رامنځ ته کیژي ؟؟؟
لیکونکۍ : دکتور طاوس وردک لندن د فیبروری ۲۶مه ۲۰۱۵ کال
ښه حکومت دیوه هیواد د امنیت ، پرمختیا ، ترقۍ ، دخلکو تر منځ د نیکو
اړیکو ، تحصیل ، صحت ، زراعتي ودې ، او د همسایه ګانو سره د انډول ساتلو
یو مهم جز یا مهم ارګان شمیرل کیژي او په بین المللی سطح ښه حکومت د ملی
او بین المللی اړیکو او فیصلو او تصامیمو په نیولو کې خورا لوی او مهم
نقش لوبولای شی .
افغانستان دغه شپږ میاشتی کیژي چې نیمګړې په نوسان او زړه نا زړه تصامیمو
او فیصلو کی د خارجی ابرقدرتو او همسایه ګانو د ډیکټات تر تاثیر لاندې
دیوه ښه حکومت د جوړیدو تصمیم نه شي عملی کولای ، ښه حکومت داری د
ولسوالۍ دیوه ( سپاهی ، یوه بلوک مشر ، یوه سرکاتب ، یوه مامور ، یوه
قوماندان امنیه ، یوه قاضی ، یوه محرر ، یوه خزانه دار ، او یوه ولسوال
نه شروع او را منځ ته کیدای شي ) چې د یوه سره باید وطن ته وطندارانو ته
پاک – صادق – با مسولیته – غمخواره – زړه سوانده – با رحمه – د ملی وحدت
غوشتونکی – یوبل په غیږ کی نیونکي ( همدیګر پذیره ) دوست او دشمن وپیژني
، دشمن ته خوله ماتونکۍ ځواب ورکړي ، هیڅکله ددشمن سره د خلکو په وژلو ،
دخلکو په ځورولو ، د خلکو په چورولو او بیناموسه کولو کی شریک ونه ووسي
باسیواده کسانو ته اشد ضرورت دی ، نني مامورین چې پورته ېې ما نامونه
واخیستل باید د یوه سره تبدیل شی په دوی کی یو هم پاک او ښه سړۍنشته ///
اوس به یو تعداد کسان وایی ډیر زیات ېې ښه خلک دی ؟؟؟ نو که ښه خلک وی
ولی په کلیو کی د افغانستان د خلکو رنګ رنګ دشمنان شتون لری ، ولې
رشوتونه او اداری فساد ادامه لری ، ولی امنیت نشته ، ولې د کوچنیانو سره
لواتت او زنا ادامه لری ، ولې د پاکستان او ایران مزدوران او نمایندګان
هلته شتون لری او اکثریت ولسوالي تر ننه ددشمن په لاس کی دی او ولې هلته
امنیت نشته ، ګویا چې نني مامورین د ولسوالیو او ولایتو دیوه سره دوه مخۍ
سیاست کوی هم ددولت رسمی نماینده ګان دی او هم د دشمن کارتونه او عضویت
لری او ددشمن سره همکاری کوی ، اوس باید ریس جمهور او ریس اجرایه که د ښې
حکومت داری ژمنه کوی باید د ولایتواو ولسوالیو ټول مامورین تبدیل کړي
یعنې (( والی – قوماندان امنیه – ریس امنیت ولایت – قوماندان لوا یا غند
مربوطه وزارت دفاع – قوماندان سرحدی – امر امنیت څارندوی – مستوفی – ریس
ګمرک – شاروال – قاضیان )) او دولسوالۍ می دمخه یاد کړل ، دغو کسانو دغه
۱۳ کاله د خپلو منافعو او ځانونه سرمایه داریدو او د ژوندی پاتیکیدو په
خاطر د افغانستان داخلی او خارجی دشمنان سره د جیوال خوله نیولې وه چې تر
ننه د بی امنیو سره مواجه یو او هر یو نن ملیونر دی ، د نوی حکومت وظیفه
هلته تر سره کیژي چې ددغو کسانو په ځای نوې تحصیل یافته – باتجربه – پاک
او وطن دوسته ، وطن او ملی نوامیسو ته متعهد او وفادارکسان وګماری او د
ریس جمهور ټول اوامر او فرامین او دساتیر په بشپړه توګه عملی کړې هغه وخت
ښه حکومت داری را منځ ته کیژي او زموږ هیواد د ( پاکستان – ایران –
عربانو – امریکا او غرب له ) دیکټاته خلاصیژي او یوه مستقل ریس جمهور به
ولرو ، نن زموږ د ریس جمهور لاسونه تړلي دی ، استقلالیت د تعین او تقرر –
نو اورۍ او نوسازۍ – نویو ابتکاراتو – وسله وال پوځ د اکمالاتو او په
هیواد کی د وسلو او مهماتو د جوړیدو حق او اجازه نه لري ، که ېې لري او
نه ېې کوی نو بیا باید ځان یو طرفه مسول وګڼي .
جناب ریس صاحب جمهوراشرف غنی لطفا د خپل مشاورین بې طرفه ، پوه ، متخصص
، کسان تعین کړه چې د تعصباتو درلودونکی کسان نه وی ، ځکه د عالمانو –
تحصیلکرده ګانو – لایقو – متخصص – بیواسطې کسانو نامونه تاته نه درکوی ،
دوی همیشه اول د خپلوانو او بیا د هم پیکه او هم مجلسه او هم خویه ابن
الوقته ، چاپلوسانو او غوړمالانو ، تفرقه اچونکو کسانو لستونه درکوی او
بل اخره وطن بیرته د کرزي حکومت طرف ته رهنمایی کوی ، له پاره ددی چې حق
حقدار ته ورسیژي لطفا د والی – قوماندان امنیه – شاروالیو – دګمرک
دریسانو – د مستوفیانو – او ریاست امنیت د والایتی ریسانو – دسرحدونو
قوماندانانو- سفیرانو – شاردزافرانو – اتشه ګانو –قنسلګرانو ، یعنی مهمو
چوکیو له پاره کاندیدان باید اقلا دهر مقام له پاره ۵ نفره کاندان وی او
ددوی تر منځ بیا باید تر ټول لایق او پوه او باتجربه او پاک نفر د انتر
ویو وروسته بیدون له واسطې او د بل له معرفت نه پرته په دغو یا هغو پوست
وګمارل شي ، که دغه کار همدا نن ونه کړې ښه حکومت داری نه را منځ ته کیژي
او ضرور نه ده چې ددغو پوستو له پاره د ۵۰ – ۵۰٪ تقسیمات د ریس اجرایه
سره ومنې .
