سرخلاصۍ لیک د افغانستان روحانی مثلث ته
لیکونکۍ : دکتور طاوس وردک لندن د اپریل ۶مه ۲۰۱۶ کال
په افغانستان کې د حکمتونو – سلاطینو – امیرانو – پادشا هانو- جوړښت
مستقیما د حضرتانو – پیرانو – خلیفه ګانو – میرانو او دهزاره طایفې
دسیدانو تر سیورې او تاثیر لاندې تر ننه پورې ادامه لري ، دلیل ېې دا دی
چې دغه حلقات د تاریخی لحاظه د زاړه استعمار او نني نیوکلونیالستی غربی
سیاست زیږنده بلل کیژي او دغه حلقات مستقیما د امپریلیزم نژدې ارتباطی
کړۍ او افزار ګڼل کیژي چې همیشه د امپریالستانو له خوانه په مختلفو
ادوارو دتاریخ کې کارول شوي او استفاده ور نه شوې ده ، شکست او کامیابي د
حکمتونو هم په دغو حلقاتو پورې اړه لري ، نن زه مستقیما دغو مثلث ته (
حضرت صاحب صبغت الله مجددی – پیر صاحب سید احمد ګیلانی – سید منصور
نادری ) ته سر خلاصۍ لیک لیږم چې دوی ېې نه تنها چې سر سري مطالعه نه کړي
بلکه دقیقا ددغو لیک په رڼاکې فورا سره جرګه شي او د افغانستان د غمیزې
یا لوی خونین ناورین مخه ونیسي او جنګ ته د پای ټکۍ کیږدي .
معززوروحاني مشرانو اسلام علیکم و رحمت الله تعلي !
۳۸کاله کیژي چې د امپریالستانو او خاصتا د هغوی د اقمارو لکه ( پاکستان –
ایران – عربستان سعودی – چین او روسانو ) په مستقیمه مداخله او مادی او
تربیتی تمویل زموږ دخلکو وینه توییژي او په ملیونو انسانان د کمونستان
اسلام ته خطر دی تر نامه لاندې – یا القاعده – یا طالبان او داعش د انسان
او افغان له پاره او بل اخره د امریکا او ناتو هیوادو له پاره لوی خطر دی
تر نامه لاندې زموږ د وروڼو ، زموږ د بچیانو ، زموږ دپلارونو ، زموږ
دخویندو او خلکو وینې هره ورځ بهیژي ، جنګ دوی زموږ وطن ته راوړۍ ، جنګ
دوی په موږ تپلۍ ، جنګ ددوی له خوانه تمویلیژي او تحمیلیژي – جنګ ددوی د
وسلو او پیسو په حمایت زموږ په کور کلی کی اوربل کړۍ – جنګ د استعمارګرو
او نیوکلونیالستی قوتو د تجاوز ، زور زیاتي ، اشغالګریو ، یکه تازیو،
دخلکو د بیستریو، ، د افغانستان څخه د قیمتی ډبرو ، یورانیمو ، لیتیمو ،
کرومایتو ، انتیک بابو چور او تالان ته لاره هموارول وو او دی ، محترمو
مشرانو یو افغان – یو روحانی مشر – یو سپین ګیرۍ – یو د پارلمان وکیل –
یو وزیر – یو والی – یو قوماندان – یو جنرال – یو عادی افغان ته سوال
پیدا نه شوو چې موږ یو مستقل هیواد وو – موږ یو مستقل جمهوریت وو – موږ
یو منظم وسله وال پوځ درلودلو – موږ یو منظم حکومت درلودلو – موږ غیرتمند
او ننګیالۍ او باتور ځوانان لرل ، څنګه او په کوم نامه او ډول د مجاهدینو
او طالبانو په رژیمو او د تنظیمی رهبرانو تر رهبری لاندی دیوه سره هر څه
نابود او له منځه لاړل او هر څه د پاکستان -عربستان – ایران او په راس کې
ېې دغرب په اختیار کی ورکړل شول ؟؟؟؟؟؟؟؟
شاغلو روحانیونو نن ستاسې په وړاندې، ستاسې په اوږو لوی تاریخی بار –
لوی تصمیم – لوی عزم – لوی ستر پاڅون پروت او په کار دی ، فقط دغه لاندې
کارونه د خلکو د قیام په واسطه تر سره کړۍ ؟؟؟
۱ – لویه سرتاسري ، تاریخی اظطراری د سپینګیرو او مشرانوجرګه را وغواړۍ
او دلته د سربازۍ دوه کلنه د مکلفیت دوره رسمی کړی تر څو هر سړۍ وطن او
خاوری ته خدمت وکړی ، ډیره مهمه فیصله ده ، اول د خدمت نه هیڅوک نه
معافیژي البته دمریض او معقول معذرت خاوندان مثتثني دی وسله وال پوځ به
تنظیمی – اجیر – مزدور د خارجیانو اجنت او غلام نه وی – ډیره لویه سرمایه
درته زیاتیژي او فقط ماهوار ۲۰۰۰ افغانی جیب خرچ سرباز ته کفایت کوی
البته دری وخته لکسه ډوډۍ او کالی او مسکرات سربازانو ته وړیا دی،
دبیګانه نه به مو د ګدایی لاس خلاص شي .
۲ – دیوه سره اشغالګر قوتونه په ظرف د ۱۵ ورځو کې د مشاورینو په شمول
افغانستان پریږدي ، موږ ډیر لایق او متخصص افسران او کدرونه لرو چې زموږ
سربازانو ته تدریس وکا ، او د خارجیانو مداخلی او دیکټات به ورک شي .
۳ – ټول معادن اول دقیمتی ډبرو او بیا دیورانیمو- لیتیمو – کرومایتو ملی
اعلان کړی او دیوه قول اوردو په ذریعه استخراج او وساتی او هر کال به
ددغو درکه د ۵-۷ ملیاردو ډالر د دولت بودجی ته ولویژي ، ددې تر څنګ تریاک
– هیرویین – چرس د دوو نورو کالو په مده کی د امنیت ملی تر مستقیمي اداری
لاندی را وړل شي ددهقانانو نه واخیستل شی او دهاقینو ته ضروری مواد دهغو
په قیمت کی مجرا شی لکه اوړه – غوړی – چای – بوره او نور ډیر شیان او
پاتې پیسې نقدی ورته ورکړل شی ددغو مدرکه به هر کال دولت ته د ۲۰- ۳۰
ملیاردو دالر لاس ته ورشي ، او په نتیجه کې به دولت د بیګانه له ګدایی او
احتیاجه خلاص شي .
۴ – د طالبانو – حکمتیار او حقانی ، سره د صلحی موضوع(( هر څوک چې د
افغانستان قانون په رسمیت پیژڼي – وسلې په مځکه ایږدی – دجنګه لاس اخلی
او نورمال ژوند ته ادامه ورکوی زموږ دخلکو دسترګو تور دی ، که جنګ غواړی
داسې باید وټکول شي چې باداران ېې بیا را ژوندی نه کړي )) هغوی چې صلحه
نه منی او ناموس فروشان او وطن فروشان دی ددوی په ضد جهاد روا دی .
۵ – ډیره مهمه خبره (( فورا باید اشرف غنی او ډبل عبدالله استعفی ورکړی
او یو موقت حکومت ددوونیموکالو په خاطر دبیطرفه – وطن پرستانو –
تحصیلکرده ګانو وزیرانو او والیانو او معینانو له طرفه اداره شي او ریس
جمهور موقت هم حضرت صاحب مجددی یا پیرصاحب ګیلانی یا سیدمنصور یا یی زامن
تعین شي ، کابینه او والیان یو نفر هم د مجاهدینو نه انختاب نه شي ،
دامریکا او غرب یو فرمایش اصلا قبول نه شي ، هوایی او توپچي پوځ د
روسانو نه د پیسو په بدل کې اکمال شی.
محترمو روحانیونو که دغه هوډ تاسې تر سره کړو نو تاسې به دتاریخ په اوږدو
کی د روحانی مشرانو سرغنه شخصیتونه وسۍ . امین
