د خواشینۍ پیغام
په ډیره ژورې خواشینۍ سره زموږ د هیواد په ادبي او فر هنګي ډګر کې د یو پېژندل شوي ، پیاوړي مبارز ، نوښتګر او غښتلې سټې ، د اوچت قلم او د لوړو خیالونو او فکرونو هڅاند او ستر لیکوال او شاعر ( ارواښاد اکادیمیسین سلیمان لایق ) له نا څاپي مړینې خبر شوم .
(انالله و انا الیه راجعون)
د خدای بخښلي سلیمان لایق د بې وخته مړينې غم ، زما او د ټولو د ادب او فرهنګ د مینه والو پر زړنو او ذهنونو داسې دروند سيوری غوړولی چې د دغې دردوونکې پېښې د ستر غم بيان د يو څو لنډو کرښو د ليکلو توان يې هم راڅخه اخيستی دی .
ارواښاد اکادیمسین سلیمان لایق هغه دروند، هوډمن او د قدر وړ سټه وهء چې د خپل ځواکمن قلم، ژورو خیالونو او فکرونو په وسیله یې د پښتو او دري ژبو ادب او شعر ته لویه بډاینه او ښکلا وربښلې وه ، او د ادب او فرهنګ ډیوې یې تل بلې، ځلانده او روښانه ساتلې وئ . دی د نازکې او ظریفې طبعې لیکوال او شاعر وه .
خدای بخښلی لایق صاحب هغه ستر مبارز ، د ستاینې او درنښت لوی شخصیت وه، چې د خپل هیواد، زوریدلو، کړیدلو او دردمنو هیوادوالو سره یې ژوره او سپیڅلې مینه درلوده . د ده مړینه زموږ د هیواد په سیاسي ، ټولنیز ، علمي ، ادبي او فرهنګي ډګر کې ستره ضایعه ده .
زه نه یوازې چې په دې ستر ویر او غم کې ځان شریک بولم، د ده غمجنې اودرنې کورنۍ ته او په تیره بیا ښاغلي غرزی لایق او ښاغلي زمرک لایق ته، او د ده د لارې ټولو ملګرو، دوستانو او یارانو ته تسلیت، زغم او صبر او ورته د لوی خدای څخه د فردوس جنت غواړم .
اروایې ښاده او یاد یې تلپاتې غواړم .
په ډیر درنښت او مینه : انجنیرعبدالقادرمسعود
