بازار
دلته ټول یو په بل شیان خرڅوي
څوک یی قیمت څوک یی ارزان خرڅوي
ځینی د ګټی په چل ول پوھیږي
ځینی یی ھروخت په تاوان خرڅوي
ځینی یی دومره د پیسو وږي دي
چی په پیسو باندی وجدان خرڅوي
ځینی یی دومره په ثُروت مین دي
چی ورته خپل دین او ایمان خرڅوي
ځینی د خپل ځان په سودا اخته دي
دوی د شیانوپه څیر ځان خرڅوي
دلته انسان د مال په څیر خرڅیږي
اوس انسانان ، نور انسانان خرڅوي
دلته مشران ھم سوداګرجوړشوی
دوی یوپه بل باندی کشران خرڅوي
ھرسیاسي لیډر تاجرجوړشوی
اوس ھرلیډر خپل پیروان خرڅوي
د دی بازار په ضد قیام په کاردی
دلته ھرڅوک زمونږآرمان خرڅوي
الحاج الھام الدین قیام
والدورف/جرمنی
۰۲/۰۸/۲۰۱۴
