! پردیو
مونږافغانان یو،مونږد بل چابندګي نه منو
که غلامي د ژوندون شرط وي،زندګي نه منو
مونږ په دنیاکی له ازله خدای آزاد پیدایو
مونږ په ټول ژوند کی د بل ھیچابندګي نه منو
مونږ افغانان ځانته د ژوند ، افغاني لاره لرو
مونږ په ھیچاپوری،ھیڅوخت وابستګي نه منو
مونږ له پردیونه پخپلوچارو ، ښه پوھیږو
پدی کی مونږ له ځان ،د بل چاشایستګي نه منو
پردیو! نور څوک په مونږ خپل غلامان مه راتپۍ
مونږ نور په واک کی غلامان د فرنګي نه منو
د ګوډاګیو په ضد، مونږ مدام قیام کړیدی
مونږپه وطن کی واکداران نورګوډاګي نه منو
الحاج الھام الدین قیام
والدورف/جرمنی
۰۵/۰۴/۲۰۱۴
د ۱۳۹۳ کال د وری د میاشتی ۱۶
په ھیوادکی د ټولټاکنو ورځ
