حفظ وطن !

امین الله مفکر امینی 2019-04-07 دیوثـــی هــــــا از این…

شعر من

 نوشته نذیر ظفر شعر مــــــن درد هر وطندار است درد یک ملــــــــــــت…

سولې ، پیمان سره یم

شاعر : سمیع الدین افغاني نه کوم تنظیم نه کومې ډلې…

گرز رستم

رسول پویان گرز رسـتم بر چکاد سر خورَد دیو اگر تاریخ این…

پرده برداری از چند حقیقت دنیای دیروز و امروز

                              (نوشتهِ الهه افتخار) دغدغه نوشتن: مدت ها است که نمی نویسم و…

چـپِ ضـد کمـونیـسم *

نویسنده: مایکل پارنتی مترجم: امیررضا گلابی برگرفته از : روزنامه شرق، ۱۴ تیر ۱۳۹۹ چپ‌های…

سلیمان لایق از محوری ترین کادر های حزب دموکراتیک خلق…

نویسنده: مهرالدین مشید ظالم بمرد و قاعده ای زشت از او…

شمارۀ 8 ماهنامۀ اعتراض

شمارۀ 8 ماهنامۀ اعتراض

جامی پر از زهر خجالت

در پیام زنده گی ما سود خود دیدیم و بسهر…

اصراربرجهالت درتقابلِ به علم نماد جهل است

*** تأکید وپافشاری براصل واصولیکه برآن علم وآگهی کامل نداریم نمای…

ای حاکمان بیداد گر!

امین الله مفکر امینی 2020-07-80 بــشما گــویم که برکذب…

جرگه ؟؟

هزاران جانی و قاتل رها کردید از زندانکشیدید پرده بر…

گوهر انسانیت

رسول پویان طالب به ارگ آید وداعش به سنگر است این صلح…

نقد را نباید با توهین و بی ادبی به اشتباه…

نویسنده: مهرالدین مشید نقد پویایی و کمال جویی و چراغی بر…

فقط یک خیابان دیگر، باقی مانده!

(طنز روز)   کمباور کابلی   «سخنگوی رئیس جمهوری افغانستان در واکنش به عکس‌های…

د سلیمان لایق شهادت ستره سیاسی فرهنګي ضایعه

د افغانستان او د سیمې د ادب او فرهنګ ستره…

مستیِ عشق دل

رسول پویان دو دل که بهم شدند جدا نتوان کرد جز مهر…

کاش؛ هـزار سلیمان لایق و میر اکبر خیبر میداشتیم!

محمد عالم افتخار تماس و ابراز نظر؛ و احیاناً تحلیل و…

نمایشگاه عکس زنان کرد؛ گره‌خوردگی طبیعت، مبارزه و سیاست

«به عنوان زنی ایرانی، من از تبار تاریخ گم شده…

مٌلک آبایی نباشد بهر ستم!

امین الله مفکرامینی هم میهــــن! مٌلک آبایی نباشد بــهرستم چــــرادامانش…

«
»

ټال مجلې پنځمه ګڼه چاپ شوه

نجیب الله پاڅون

له بلخ څخه د ماشومانو لپاره علمي، ښوونیزې، روزنیزې، ادبي، معلوماتي او تفریحي ټال میاشتنۍ خپرونې پنځمه ګڼه د  ۲۰۰۰ زرو ګڼو په شمېر په ۴۴ مخونو کې چاپ او خپره سوه، په دغه مجله کې د ماشومانو لپاره او د ماشومانو په ژبه هر اړخیز ګټور مطالب راوړل شي.

ټال مجله له بلخ ولایت څخه د ماشومانو لپاره لومړنۍ پښتو خپرونه ده، چې لومړۍ ګڼه یې د ۱۳۹۵ـ ل، لمریز کال د لړم په ۱۴ مه، د ۲۰۱۶ زېږدیز کال د نومبر په ۱۴ مه، د ۲۰۰۰ ـ  دوه زره ګڼو په شمېر په ۴ مخونو کې له یاد ولایت څخه خپره شوه.

همدا راز د ټال دویمه ګڼه، د ۲۰۱۶ زېږدیز کال د دسمبر په ۲۹ مه. خپره شوه.

درېیمه ګڼه یې د ۲۰۱۷ زېږدیز کال، د فبرورۍ په ۲۸ مه چاپ او خپره سوه.

څلورمه ګڼه د ۲۰۱۷ کال د اپریل په ۳۰ مه په رنګه ډول چاپ او خپره شوه.

او پنځمه ګڼه بیا د مجلې په ډول په ۴۴ مخونو کې د کلکې پښتۍ په درلودلو سره په رنګه ډول په لوړ تېراژ چاپ او خپره سوه. په دغه مجله کې د ماشومانو په ژبه او د ماشومانو لپاره ګټور مطالب، همدا راز د ماشومانو د پلرونو لپاره د ماشوم روزنې علمي او په زړه پورې مقالې هم راوړل شوي په دغه مجله کې د ماشومانو انځورونو، رسمونو او لوبو ته هم پاملرنه شوې ده.

د ټال مجلې په پنځمه ګڼه کې ګڼ شمېر مطالب خپاره شوي، چې زه یې دلته صرف د یو څو سرلیکنو یادونه کوم:

د خدای ستاینه، آیا پوهېږئ، د اسلامي تاریخ له پاڼو، د افغانستان لومړني اخبارونه، د پښتنو اتل، د فکر څېرې، د هیلو ټال، بریالیتوب، د ماشوم روزنې سل اروایي رازونه، ذهني پیاوړتیا، د خلکو فرهنګ، سمندر په لپه کې، د ماشوم لپاره خوندي او سالم چاپېریال، د کور کتابتون او ماشومان، ټوکې، روغتیا، د سګرټو زیانونه او د روږدو پایلې، په پښتو ادب کې د ماشومانو ادبیات، خپل هېواد وپېژنئ، د ماشومانو فولکوریکې سندرې، لوبې د ماشومانو روح پیاوړی کوي، لوی افغانستان، په ټولنه کې د ښوونکي مقام، ماشوم او راتلونکی یې، ساینسي پرمختیاوې، د حضرت عمر فاروق ویناوې، د نن غوټۍ د سبا ګلان، هر اړخیز معلومات او په لسهاوو نور ګڼ شمېر عملي، تفریحي، ادبي، شعرونه، انځورونه، تعلیمي، ساینسي، لنډې کیسې، د ماشومانو حقوق، د ماشومانو کانکور، د استعداد لرونکو ماشومانو پېژندنه، ښوونیز او روزنیز مطالب، لیکنې او مقالي راوړل شوي.

د ټال مجلې ځانګړتیاوې: ټال مجله د ماشومانو استعدادونه روزي او د هغوی پوهه زیاتوي. د ټال مجلې غټه او لومړنۍ موخه په لرې پرتو ولسوالیو کې نوي ماشومان له تعلیم او مطالعې سره آشنا کول او د هغوی مخه له افراطیت، تاوتریخوالي او تشدد څخه راګرځول دي. ټال مجله ماشومانو ته د غوره ژوند لارې چارې ښيي او د اخلاقو روزنه یې کوي. ټال مجله به ماشومان او تنکي ځوانان په دې باوري کړي، چې راتلونکی د دوی دی او کولای شي نړۍ بدله کړي.

د ټال مجلې اغیزې او ګټې: د ماشومانو، والدینو او ښوونکو تر منځ به د اړیکو یو نوی فصل پرانیستل شي. ماشومان به په زړه راکښونکې توګه د مطالعې فرهنګ خپل کړي. ماشومان به پر خپلو وړتیاوو او پوهې باور پیدا کړي. ماشومان به په ټولنه کې د ښه مشرتابه وړتیاوې ترلاسه کړي. ماشومان به د نوي عصر د غوښتنو په رڼا کې د نړۍ له نورو ماشومانو سره سیالان شي.

د ټال مجلې د خپرېدو څخه زموږ موخه: په بلخ ولایت کې ګڼ شمېر چاپي، انځوریزې او غږیزې خپرونې شته؛ خو په پښتو ژبه کې تر اوسه له دې ولایت څخه هیڅ خپرونه د ماشومانو لپاره نه وه، په لومړي ځل سره موږ د ټال مجلې، لومړی ګڼه په څلور مخونو، دویمه، درېیمه او څلورمه په اته مخونو کې چاپ او خپرې کړې. دغه خپرونه په مزارشریف ښار کې چاپ کېږي او بیا د بلخ په لرې پرتو ولسوالیو له هغې جملې، چهاربولک، دولت آباد، چمتال، بلخ، شولګره، دهداي او نهرشاهي ولسوالیو کې وېشل کېږي په یادو ولسواليو کې اکثره سیمې برق، انترنت، کتابتون او د نویو او عصري خدماتو ته لاسرسی نه لري، دغه سیمې زیاتره وخت د جګړو له امله زیانمنې شوي زموږ دغه خپرونه ټوله د بلخ په لرې پرتو ولسوالیو کې وېشل کېږي، ځکه د دغو سیمو ماشومان له دې خپرونې سره مینه لري او زیاتره وخت یې لولي.

زموږ غټ هدف د ټال مجلې څخه دا دی، چې د لرې پرتو سیمو ماشومان په خپله ژبه لیک، لوست، مطالعه او وینا وکړی شي، او همدا راز دوی د تاوتریخوالي، تشدد، افراطیت څخه راوګرځي. دا چې په لرو پرتو ولسوالیو کې ګڼ شمېر پلرونه په خپلو ماشومانو شاقه او درانه کارونه کوي زیاتره ښوونځیو ته ارزښت نه ورکوي. موږ په دغه خپرونه کې د زده کړې ارزښت ورته بیانوو او دوی هڅېږي، چې په راتلونکي کې خپل ماشومان ښوونځیو ته واستوي او زده کړه پرې وکړي. د ټال مجلې مسؤول چلوونکی نجیب پاڅون او د کتنپلاوي ډلې مشر لعل جان آشنا دی.