عبدالله او دپلوماتیکي، غورزې پرزې!!
قضاوت تاسوګرانولوستونکوته سپارم چې په دې اړه مواند اوخیال څه دی؟
په دې لنډه موده کې دپاکستان دپنجابیو،تورلنګیوڅارګرولیونیوسپیوپه داړلواوواسکټي چاودنوپه کابل،کندهاراوهلمندکې ترپنځوسوزیات هیوادوال شهیدان اوترسلوزیات سخت ټپیان شول.په دغوشهیدانوکې دعربي متحده آماراتوپنځه تنه دیپلوماتان هم شامل ول اودهغه هیوادسفیرپکې سخت ټپي شوی دې.
دپیښې دڅیړنې اودهغه دعاملینودپیژندنې اوپلټنې لپاره له مرکز کابل څخه دښاغلي حنیف اتمرپه مشری لوړ پوړی پلاوی کندهارته ولاړاوهمداراز دکابل اوهلمند دخونړیوپیښوپه اړوند هراخیزي پلټنې اواستخباراتي هانداوڅې ترسره شوې.دپلټنوپه پای کې داجوته شوه چې داډله ییزي انتحاري اوبمي وژنې له هیوادڅخه بهر په پاکستان کې سازمان دهي شوي اودپاکستان قسم خوړونکي نامرده څارګراودای،اس،ای سازمان په کې رغنده اوښکاره لاس لري.اوپه دې اړه افغان ولس مشر په څرګندوټکوکې دخونړیوپیښوپړه په پاکستاني استخباراتوواچوله اودپاکستان نظامي کړۍ او د دوی لاسپوڅي مزدورطالبان یې د دغومرګ ،ژوبلومسببین اومرتکب وبلل.له بلې خواپه سیمه اونړۍ کې پاکستان دترهګرو،بنسټپالو،ورانکارواوحرفوي تروریستانوپه روزلواووسله وال کولوپیژندل شوی اورسواشوی دی.
دامریکا نوي ولس مشر ډونالدترومپ هم په څرګندوټکوکې پاکستان دترورستانواوترهګروپه روزلواوپه هغه هیوادکې دطالبي اوداعشي افراطیت په تسلیح اوروزنځایونوتورن کړی اوپیژندلی دی.دامریکا دمتحدایالاتو د دفاع نوي وزیرټامیس هم په پاکستان دورانکاروتروستانو دځالودورانولواودهغودریښوایستلو ټټر وهلی دی.
جمهوریت غوښتونکي سناتور رورابکربیاپه زغرده دامریکا اوپاکستان ترمنځ دټولوپوځي اواقتصادي اړیکوله منځه وړو اوآن په پاکستان کې د ننه بلوڅو،پښتنواوسینیانوله مشرانوسره دهغودسیاسي خپلواک برخلیک په اړه دخبرواترواوبیړنیواړیکودټینګولوغوښتونکی دی.داپاکستان ته مرګونی اووژونکی زیګنال اوخبرداری دی چې نور به په ازادلاس خپل تخریبي په تیره بیا افغان ضدشیطاني اودوه مخي رذیلانه سیاستونه اوتورې نخشی پلي نه شي کړای .اوترټولواهمه اوډانګ پیلي خبره داده چې ډونالدټرمپ په درنواودوستانه ټکو کې هند دامریکا نیږدې اوغوره اقتصادي اواستراتیژیک دوست وباله اودهند لومړی وزیر نریندرامودي ته یې امریکاته د دوستانه سفر بلنه ورکړه .مودي دابلنه ومنله اوپه روان زیږدیزکال کې به دادوستانه خو،خورامهم اوتاریخي ترسره شي.
له بلې خوا دعربي متحده آماراتوته دهند دلومړي وزیردپخواني سفر په ترځ کې په هندکې د۷۰ میلیاردوډالرودپانګې اچونې ژمنه دعربي متحده اماراتودمشرتابه له خوا هند ورکړشوه .په کندهارکې دمتحده اماراتود دیپلوماتیک پلاوي له منځه وړل دپاکستاني څارګروله پخوانی کینې څخه تومنه اخلي اودلیوني سپي په څیرهرې خواته خوله اچوي اودادی اوس یې دایراني اخوندانواومتعصبه شیعه کړیو سره لاس یو کړی اوپه مسکو کې دولادیمیر پوتین په پښو کې ولویدل اوپخپل استخباراتي چل ول یې هغه افغاني طالبان چې په افغانستان دسولې اوټیکاوغوښتونکي وو دروسیې په یارانه تاریخي بدنامه کړل اوهغه یې دکی،جی،بې په توراوجال کې رایسارکړل.پوتین دپخواني اتحاد جماهیرشوروي سوسیالیستي دهژمونی مبتذل خوبونه ګوري اوپه وطن مینواصیلوافغانان دروسانونامردي او ټګه برګه یارانه دپیړیوپه پوړیوکې ازمویلي هغه پخواني خوبونه ،خیال اومحال اودبوډۍ ټال ته ورته لنډمهالي غورزی پرزې دي.
دافغانستان په روان ناورین کې دتوراوباما اولیوني بوش دوه مخی نامردانه سیاست و چې له افغانستان سره دامنیتي اوستراتیژیک تړون دلاسلیک سر بیره یې پخه یارانه له پاکستان سره وه په تیری کلونوکې۱۳میلیارده ډالره اواف ۱۶ الوتکې اوپوځي مرستې د افغانانوله سترګو پټې نه دي .ان ستاسووسله والوځواکونوډیری غوښنه برخه توراوباما دپاکستان په لاس کې ورکړه اوځکه په څرګندو ټکو کې ټرامپ دټولټاکنوپه بهیرکې په اوباما اوهیلیري د داعشیانودپنځونواوراټوکولوتورولګاوه اوپه دې اړه لا دمخه کوږخولي کیري ته دایټالیا دروم په ښار کې یوي اتلې ژورنالیستې په کږه خوله سوک ورکړاوداعشیان یې د دوی پروژه وبلله.
۲۰۱۷زیږدیزکال دستروبدلونونواوپیښو کال بریښي.افغان مشرتابه خو له بده مرغه دکیري په لاسونودغلامی ټاپه خوړلي اودا لامل دی چې دملي خصومت چارواکي جلا،جلا سیاستونه لري .په لنډوټکوکې د اجرایوي ریاست پخپل سري ریس ډبل عبد الله څرګندونه ده چې پاکستان ته د دوستانه خبرواترو وړاندیزکوي .نه پوهیږم ایران ته دسفرپه دوران کې یې دادستوراخیستی اوکه دمسکواوسنی نړیوالوغورزو،پرزواواستخباراتي ناندریو کې یې ښاغلي عبد الله ته دپاکستان په لور د دوستی میلان پیدا شوی دی .لادکابل،کندهار،هلمند دشهیدانو وینه وچه شوي نه ده اودسپین بولدک داتل سرتیري دشهادت اواتلوسرتیرودټپیانوناورین روان دی .خوموږخپل ملي اوتاریخي غرورپخپله تر پښو لاندې کوو.اشرف غني دوروستیوخونړیوغمیزوپړه په پاکستان اچولي اوغواړي دنړیوالو په تیره بیا دامریکا دنوي مشرتابه پاملرنه دپاکستان رذیلانه اودوه مخي شیطاني سیاست ته راوګرځوي خوښاغلی عبد الله په ډبل لاسونوپاکستان ته د دوستانه جوړجاړي بلنه ورکوي.افغانان دګاونډیو هیوادونوسره تل سوله ییزمناسبات غوښتي دي.خوپه اوسنیوسیمه ییزونړیوالودیپلوماتیک بهیرکې پاکستان رسوا اومنزوي شوی دوی باید خپله پړه ومني اوافغانستان ته دخبرواترووړاندیز وکړي.
ښاغلی عبدالله دې دپکتیکا داتلووزیرو،مسیدودمشرانواوکشرانو له افغاني غیرت اوشهامته دعبرت درس واخلي چې مشرانویې په پرا خه قومي جرګه کې وزیرستان ته دبیرته تګ څخه په نره ډ ډه وکړه او۵۰ لکه پاکستانۍ کلدارې ناغه اوکورسوځولوتیږه یې کیښوده ترڅوچې پنجابې پوځیان اوڅارګر دوزیرستان له سیمي بشپړوتلي نه وي د دوی کورونه دکرکیلي ځمکې اود کاروباردجوړجاړي اوسوله ییزژوند زمینې رامنځته شوي نه وي دوی له خپل پلرني وطنه دلوی افغانستان دغیرتي وزیرواومسیدوسیموته نه ستنیږي .په جرګه کې ملک حاجي ګل رقیب اوملک سیدالله په ټولووزیروجاني خیل،باکي خیل،نیامي،شاه خیل،سیدګي،ګربزواونوروقومونوغږوکړچې دجرګې پریکړې په پام کې ونیسي اودپنجاب په ټګیو،برګیواوضرب غضب په دسیسواوچل وټوځان وپوهوي.په دغسې حساسوتاریخي شیبوکې یوځل بیا دپښتنو،بلوڅواوسیند مشرانوته په کارده چې دقوم اوولس په وړاندې غیرت،ننګ اوهمت هیر نه کړي .اوپه ملي ،ولسي پراخو خوځښتونواولښکر،لښکر غورځنګونولاس پوري کړي.
په دنیا دننګیا لي دي دا دوه کاره………….یابه وخوري ککری یا به کامران شي
دلوی افغانستان دجوړیدواودبې غیرته چاپلوسانودنابودی اولارسوایې په هیله
اکبري هالینډ
۲۸/۱/۲۰۱۷
