شکایات و دوسیه‌های حقوقی شهروندان، بررسی می‌شوند
وزارت عدلیۀ جمهوری اسلامی افغانستان
دفتر سخنگو
خبرنامه
کابل- سه شنبه 5 ثور 1396
اداره حقوق وزارت عدلیه، در روشنائی احکام قانون طرز تحصیل حقوق و سایر قوانین نافذه کشور شکایات و دوسیه‌های حقوقی شهروندان را ابتدا تحت بررسی قرار داده و سعی می‌دارند، تا قضایا بین اشخاص حقیقی و حکمی را حل و فصل نمایند و فیصله های محاکم را کما حقه آن تطبیق نمایند.
روی همین اصل، ادارات حقوق وزارت عدلیه در ربع اول سال مالی 1396 به هزارها شکایت و دوسیه را در راستای حل وفصل منازعات حقوقی (املاکی، دیون وفامیلی) ثبت نموده، و در سراسر کشور تحت بررسی قرار داده است.
هم‌چنان ادارات حقوق وزارت عدلیه، در سه ماه اول سال 1396جمعآ (6176) عرایض حقوقی را ثبت و اجراآتی قانونی نموده است، از جمله(1399) شکایت به محکمه، (18) شکایت به قوماندانی، (319) شکایت به ولسوالی‌ها وسایر ادارات، (104) شکایت به ولایات مربوط راجع گردیده است وهمین‌گونه (580) شکایت های وارده اصلاح، (1531) شکایت تحت دوران و(2225) شکایت‌های وارده حفظ گردیده است.
همین‌گونه، (5262) دوسیه به ادارات حقوق در ربع اول سال مالی 1396 ثبت شده است واجراآتی‌که در برابر دوسیه‌های وارده صورت گرفته است، (230) دوسیه تطبیق، (1222) دوسیه به ولایات و ادارات مربوط، (672) دوسیه زیر دوران بوده، (1464) دوسیه حفظ و (1674) دوسیه غرض فیصله به محاکم فرستاده شده است.
اداره حقوق، یگانه مرجع تحصیل حقوق اشخاص حقیقی و حکمی؛ تنفیذ احکام قطعی و نهائی محاکم به سطح کشور می‌باشد.
***
