(ملات گاندی در مورد امام حسین

باسم تعالى در نخست ورود ماه محرم و عاشوراء حسينى را…

جهان بی روح پدیداری دولت مستبد

دولت محصولی از روابط مشترك المنافع اعضاء جامعه می باشد٬ که…

ضانوردان ناسا یک سال شبیه‌سازی زندگی در مریخ را به…

چهار فضانورد داوطلب ناسا پس از یک سال تحقیق برای…

پاسخی به نیاز های جدید یا پاسخی به مخالفان

نویسنده: مهرالدین مشید آغاز بحث بر سر اینکه قرآن حادث است و…

طالبان، پناهگاه امن تروریسم اسلامی

سیامک بهاری شورای امنیت سازمان ملل: ”افغانستان به پناهگاه امن القاعده و…

  نور خرد

 ازآن آقای دنیا بر سر ما سنگ باریده عدوی جان ما…

عرفان با 3 حوزه شناخت/ ذهن، منطق، غیب

دکتر بیژن باران با سلطه علم در سده 21،…

شکست مارکسیسم و ناپاسخگویی لیبرالیسم و آینده ی ناپیدای بشر

نویسنده: مهرالدین مشید حرکت جهان به سوی ناکجا آباد فروپاشی اتحاد جماهیر…

سوفیسم،- از روشنگری باستان، تا سفسطه گری در ایران.

sophism. آرام بختیاری دو معنی و دو مرحله متضاد سوفیسم یونانی در…

آموزگار خود در عصر دیجیتال و هوش مصنوعی را دریابید!

محمد عالم افتخار اگر عزیزانی از این عنوان و پیام گرفتار…

مردم ما در دو راهۀ  استبداد طالبانی و بی اعتمادی…

نویسنده: مهرالدین مشید افغانستان سرزمینی در پرتگاۀ ناکجاآباد تاریخ مردم افغانستان مخالف…

ترجمه‌ی شعرهابی از دریا هورامی

بانو "دریا هورامی" (به کُردی: دەریا هەورامی) شاعر، دوبلور و…

تلویزیون حقوق ناشر یک اندیشه ملی و روشنگری 

نوشته از بصیر دهزاد  تلویزیون حقوق در پنجشنبه آینده،  ۱۱ جولای، …

افراطیت دینی و دین ستیزی دو روی یک سکه ی…

نویسنده: مهرالدین مشید در حاشیه ی بحث های دگر اندیشان افراط گرایی…

د مدني ټولنې په اړه په ساده ژبه څو خبرې

 زموږ په ګران هېواد افغانستان کې دا ډیر کلونه او…

از پا افتادگان دور جمهوریت

در خارج چه میگویند ؟ انهاا طوری سخن میرانند که افغانستان…

آیا طالبان آمده اند ، تا ۳۴ ملیون شهروند افغانستان…

نوشته: دکتر حمیدالله مفید. بزرگترین دشواری که در برابر جهان اسلام…

 چند شعر کوتاه از لیلا_طیبی (صحرا) 

ذهنم، یوزپلنگی تیز پاست آه! بی‌هوده بود، دویدن‌هایم... آی‌ی‌ی        --غزال وحشی، کدام کنام…

بدیده ای مهر بنگرید!

امین الله مفکر امینی                         2024-01-07! بـــه دیده ای مهربنگرید بـــــه…

تشکیل امارت در آنسوی دیورند و تشدید تنش ها میان…

نویسنده: مهرالدین مشید بازی های جدید استخباراتی و احتمال وقوع رخداد…

«
»

د وطن د ترقۍ ملی ګوند د هیسن ایالت د ګوندي شورا غونډه

د وطن د ترقۍ ملی ګوند د آلمان د هیسن د ایالت ګوندي شورا د ۲۰۱۴ زیږیدیز کال د جنوري د میاشتې په ۳۱ نېټه د فرانکفورت په ښار کې غونډه وکړه. په دې حضوری غونډه کې د آلمان د سراسری شورا رئیس ښاغلی امیر محمد ګران او پوهنیار نورمحمد غفوری د ګوند د دارالانشأ او اجرائیه شورا غړی ګډون درلود. د غونډې اساسی موضوع د تیر کال د دسمبر د میاشتې د ګوندي کنګرې د اسنادو د توضیح او د هغو د پریکړو له پاره د محلی شرایطو سره سم د عملی لارو چارو موندل ؤ.

غونډه د هیسن د ایالتي شورا د رئیس محترم عزیزالله زرمتی لخوا پرانستل شوه. محترم زرمتي د هیسن په ایالت کې د ګوندي سازمان د فعالیتونو په اړه د غونډې ګډون کوونکو ته رپوټ ورکړ. د هیسن د ایالت د ګوندی شورا مرستیال محترم محمدافضل امرخیل هم د ګوندی داخلی ژوندانه او تشکیلاتی موضوعاتو په اړه  اوږدې خبرې وکړې. د نورو افغانی ګوندونو له سازمانی کړيو، په هیسن کې د افغانی مدنی او کلتوري ټولنو او ټولو افغانانو سره د شریک کار له پاره د مناسبو او اغیزمنو میتودونو د موندلو په اړه نظرونه وړاندې او پریکړې وشوې.  محترم امیر محمد ګران د اروپا او آلمان د سراسری شورا د فعالیتونو او د هغو ترمخ د پرتو دندو په اړه معلومات وړاندې کړل او په څنګ کې یې په سیمه ایزو او نړیوالو موضوعاتو رڼا واچوله. په غونډه کې ځینې نورو ګډون کوونکو هم په نوبت سره د هسین د ایالت، د آلمان او اروپا د ګوندي سازمانونو  او همدا راز د سراسری ګوندي  فعالیتونو په اړه خپل نظرونه وړاندې کړل. د فعالیتونو په بهیر کې یې تش ځایونه په نښه او د هغو د ډکولو او د کارونو د لاښه سمون او چټکتیا په خاطر یې نیوکې او وړاندیزونه وکړل. محترم عبدالحمید شهیدنور، محترم سید عبدالقادر، محترم خوشدل یعقوبی، محترم ممیز، محترم انجینر سید احمد او نورو په نوبت سره خپل نظرونه، نیوکې او وړاندیزونه بیان کړل او د ښاغلی نورمحمد غفوری څخه چې له افغانستان څخه راغلی او په غونډه کې یې ګډون درلود، وغوښتل چې د دوی هغه غوښتنې، وړاندیزونه او انتقادونه  په کابل کې د اجرائیه شورا او همداراز د دارالانشأ په غونډو کې طرحه کړي، تر څو چې د ګوندي فعالیتونو د لاچټکتیا او سمون په لاره کې ترې کار واخیستل شي.

په غونډه کې پوهنیار نورمحمدغفوری د ګوندي کنګرې د جوړیدو او د هغو د بهیر او پریکړو، د ګوندي وحدت د ټینګښت، په انتخاباتي مبارزه کې د ګوند د فعالیت او موقف، په اوسنیو حالاتو کې د ولسي کتلو ترمنځ د ګوند د نویو کاري میتودونو او همداراز د هیواد د اوسنیو ستونځمنو او کړکیچنو حالاتو په اړه خبرې وکړی او نوی معلومات یې ملګرو ته وړاندې کړل.  نوموړې ددې غونډې جوړول په دې خاطر د ډیر اهمیت وړ وبلل چې په داسې حال کې د وطن د ترقۍ ملی ګوند غړي په فرانکفورت کې سره یوځای کیږی چې د ګوند د داخلی ژوندانه له پاره خورا مهمې ورځې دی. تقریبا یوه میاشت مخ کې د ګوند کنګره جوړه شوه او په ۲۰۱۴ زیږیدیز کال کې زموږ هیواد د سیاسی، پوځی او اقتصادی انتقال له پروسې سره مخامخ کیږی. د ۱۳۹۱ کال د میزان په میاشت کې د هغه وخت د (ملی ګوند) او د (وطن د ترقۍ ګوند) د وحدت کنفرانس د ګوند غړو ته وعده او د ګوند رهبري ارګانونو ته دنده سپارلې وه چې د یوه کال په موده کې به په ټولو ښارونو، ولایتونو، ناحیو او ولسوالیو کې ګوندي سازمانونه یو له بله سره يوځای کوی. د یوه کال په اوږدو کې به د ټولو سازمانو څخه و لوړو ارګانونو ته د آزادو او دموکراتیکو انتخاباتو له لارې د ګوندي شورا ګانو د رهبرۍ غړي راپورته کیږی او د همداسې دموکراتیکو انتخاباتو له لارې به د کنګرې استازي د معین نورم له مخې ټاکل کیږي او تر یوه کال وروسته موده کې به کنګره جوړیږي. د وطن د ترقۍ ملی ګوند رهبری د همدې کار له عُهدې څخه ووته. ګوندي سازمانونه یې لومړی د معینو توافقاتو له مخې یو له بله سره مدغم کړل او بیایې د ټاکلې مودې په پولو کې د ګوندي شوراګانو له پاره منتخبې رهبري کړۍ رامنځته کړې، د آزادو او دموکراتیکو انتخاباتو له لارې یې د کنګري استازی وټاکل او کنګره یې په بریالیتوب سره تیره کړه. ګوند وکولای شوای چې په ډیرو سختو شرایطو کې چې له ډیرو خواوو د ستونځو سره مخامخ وو، له کنګرې څخه واحد او غښتلی راووزي او هیله ده چې وحدت يې له پخوا څخه نور هم محکم او په نوی کیفي پړاو کې قرار ولري. ددې کنګرې په وخت کې ګوندې فعالینو او د کنګرې له پاره منتخبو استازو د څلورو ورځو په اوږدو کې یو له بله سره د رسمي غونډو او آزادو بحثونو په بهیرکې ښه وپیژندل او یو د بل له نظره خبر او  د ګوندی او سیاسی کار تجربې یې یو له بله سره شریکې کړې. په دې ډول د وطن د ترقۍ ملی ګوند له ټولو تشو ځایونو، انتقادونو او سهوو سره سره، د هیواد په کچه یوځل بیا د دموکراتیک او مدرن سازمان په کره نمونه واوښټ.

باید یادونه وشي چې د ګوند دموکراتیزاسیون او مدرنیزاسیون کومه مشخصه پروژه نه ده چې په معین وخت کې د ټاکلو ظرفیتونو د په کار اچولو سره شروع او پای ته ورسیږي، بلکې دا یوه دوامداره پروسه ده چې هر وخت دوام مومی او دوام به ولری. همدا پروسه نن د آلماني ټولنې په ډیرو پخوانیو ګوندونو کې هم روانه ده. تاسې یې ګورئ چې د آلمان سوسیال دموکرات ګوند چې ۱۵۰ کلنه سابقه لری، د تاریخ په اوږدو کې یو ځای د بورژوازی دموکراتیکو پروسو سره څنګ پر څنګ را لوی شوی او وده یې موندلې ده، د آلمان په دموکراتیک او پرمختللې ټولنه کې سیاسی فعالیت کوی او د نورو هیوادو د ترقی غوښتونکو چپو ګوندونو له پاره یوه وتلې نمونه ده، بیا یې هم په ۲۰۱۳ میلادی کال کې په دولتی چارو کې د ګډون او د سیاسی فعالیتونو د سمون په خاطر د دموکراتیزاسیون او مدرنیزاسیون موضوع ته خاص پام ور واړاوه او په مهمو موضوعاتو کې یې د ګوندې غړو د پراخه ګډون او عامې نظرغوښتنې پروسه پیل او په بریالۍ توګه پای ته ورسوله. ددې کار په پایله کې د سوسیال دموکرات ګوند رهبرۍ د غړو د ډیرکیو ملاتړ له ځانه سره تضمین کړ او اوس په ډاده زړه خپلو ګوندي فعالیتونو او له مسیحی دموکرات او سوسیال مسیحی ګوندونو سره یوځای دولتی کارونو ته دوام ورکوی.

په نننۍ غونډه کې د طرحه شوو سوالونو او انتقادونو په لړ کې باید داخبره یاده کړم چې د (ملی پیام) ګوندی نشراتی ارګان د ګوند د زده کړو او فرهنګی کمیسیون تر لاس لاندې نه دی، بلکې په لوړه کچه د دارلانشأ په چوکاټ کې مستقل فعالیت کوی. د دارالانشأ لخوا په مستقیمه توګه ورته مسؤل کس او ورسره یوځای د لیکنې د هیئت غړی هم ټاکل شوی دی.

د ګوندی فعالیتونو او په دې لړ کې د زده کړو او فرهنګی چارو په سم پرمختګ کې د نورو ستونزو تر څنګ غوره ستونزه د مالی او پولی منابعو نشتوالی دی. د ټاکلې بودجې او د مالی امکاناتو پرته د موادو برابرول، چاپول او د هیواد ګوټ ګوټ ته رسول ناشونی کار دی. په دې اړوند په خارجي پرمختللو هیوادونو کې ګوندي غړی او سازمانونه ښه رول لوبولی شی او هیله داده چې په دې باب په آلمان او اروپا کې د ګوندي غړو  له خوا ډیره توجه وشي.

بې له شکه زموږ په ګوندي کارونو کې به د یوه او یا بل چا له نظره نواقص موجود وي او موجود دي. د ګوند غړي کولای شي چې د ګوندي داخلی دموکراسۍ له شرایطو او په اساسنامه کې د درج شوو حقوقو څخه ګټه پورته کړی او خپل وړاندیزونه او نظرونه له نورو ملګرو سره شریک او له رهبرۍ سره طرحه کړي. ما پخپله هم د کنګرې د جوړيدو تر مخه د ملګرو سره د «چالش ها فرا راه حزب و راه حل های آن» تر سرلیک لاندې په لیکلې رساله کې د خپله نظره د ګوندي فعالیت د لاچټکتیا او سمون په خاطر د شلو مواردو یادونه وکړه، د ستونزو د حل،  د نواقصو د له منځه وړلو او د مدرنو ابتکارونو د پکاراچولو په خاطر مې ټاکلي وړاندیزونه او نظرونه طرحه کړل. دا رساله دهغو تجربو پر اساس ولیکل شوه چې ما د خپل هیواد د کلیو او ښارونو، د تحصیل په وخت کې د سوسیالیستی  سیستم او اوس د غربی اروپا او امریکا په بورژوازی شرایطو کې د سیاسي او د ګوندی فعالیتونو په بهیر کې لاس ته راوړې دي. له نېکه مرغه چې د کنګرې په وخت او هم وروسته له هغې په رساله کې د ډیرو طرحه شوو مسئلو په اړه بحثونه پیل او پریکړې نیول کیږي. زموږ په ګوند کې مسلطه روحیه داسې ده چې هر ګوندي ملګری د نورو ګوندیانو طرحو او نظرونو ته احترام او دقت کوی، هغه اوري، هغه لولي، ځان پرې پوهوي، تحلیل او تجزیه کوي یې او په اړه یې په خپله آزاده اراده او ژور تفکر معین موقف او تصمیم نیسي. همدا د هیواد په سختو شرایطو کې زموږ په ګوند کې د پراخه دموکراسۍ او پلورالیسم موجودیت زموږ د ګوند له مشخصو ځانګړنو څخه بلل کیدای شي.  موږ نه یوازې په ګوندي چارو کې، بلکې په ملي مسئلو کې هم د پلورالیسم او د مختلفو او یو له بله سره د مخالفو او ان متضادو افکارو، عقیدو او نظریو د  احترام او متقابل زغم پر بنسټ چلند کوو.

 د هیواد په اوسنیو حالاتو کې د امنیتی وضعې د خرابۍ، د چارواکو له خوا د سیاسی ټینګې ارادې د نشتوالي،  د انتخاباتو او د انتخاباتو د شکایتونو د اوریدو د کمیسیونونو او په مرکز او ولایتونو کې د زورآورو کسانو د لاسوهنو له کبله د رښتینو آزادو، رڼو او دموکراتیکو سراسری انتخاباتو امکان نشته. ډیرو کسانو چې ولایتي شوراګانو ته ځانونه کاندید کړی ؤ، بې له هیڅ دلیله یې نومونه له لسته غورځیدلی او هیڅ مقام او ارګان یې اعتراض او شکایت نه دی اوریدلی، د لیستونو څخه د لرې کیدو علت یې نه دي څرګند او د سوالونو ځواب یې نه دی ورکړل شوی.

سره له ټولو هغو نواقصو چې په هیواد کې روانه انتخاباتی پروسه یې لری، د ګوند رهبرۍ پریکړه کړې چې په انتخاباتو کې به ګډون کوي. د ولس مشرۍ په انتخاباتو کې زموږ ګوند د ډاکتر اشرف غنی احمدزی له ټیم څخه ملاتړ کوی او زموږ د ګوند او ګوندي رهبرۍ په نظر په اوسنیو کاندیدانو کې د ډاکتر اشرف غنی احمدزی د (دوام او بدلون)  پروګرام تر نورو ښه دی. د ګوندي رهبرۍ غوښتنه داده چې د وطن د ترقۍ ملی ګوند ټول غړی په اوسنیو شرایطو کې له همدې پریکړې زغرده ننګه وکړي.

په پای کې غونډه د وطن د ترقۍ ملی ګوند د آلمان هیواد دشورا د رئیس محترم امیر محمد ګران په ارزونه او وروستیو خبرو پای ته ورسېده.