دملی وحدت حکومت
لیکونکۍ :: دکتور طاوس وردک لندن د اګست اوومه نیټه ۲۰۱۴ کال
مخکې له دې نه چې د ملي وحدت په حکومت او معني ېې او هغه شۍ چې ددوو
ټیمونو تر منځ په افغانستان کې د جان کیري په وساتت او طرح را منځ شوو
خبرې وکړم غواړم د ملي وحدت تعریف وکړم .
ملي وحدت :: یو لوی جامع او علمی بحث دی ، یعنی کله چې د وحدت خبره را
منځ کیژي معني ېې داده چې په اجتماع کې د خلکو تر منځ دیر اختلافات او
ناخوالې شته چې د وحدت کلمه ورته د پای ټکۍ ایږدي ، د فلسفي د قوانینو له
جملې نه هم یو قانون چې هسته او مضمون د قوانینو د دیالکتیک جوړوي هغه (
قانون وحدت او مبارزه د اضدادو ده ) ، زما په نظر وحدت د خبرو او نظر
یووالي په عمل کې یعنی زړه او خوله باید یو ډول الفاظ او خبری تایید کا (
اقرار بل لسان تصدیق بل قلبې ) خلاصه چې په ټولنه کې چې یو ډول دیني او
مذهبي اعتقادات نه لري ، یو قوم او یو ملیت نه وی ، یوه ژبه او یو ډول
قوم نه وي ددوی تر منځ هیڅ ډول ( کشکمکش- نفاق او شقاق – برخوردونه او
جنګونه لفظی یا فیزیکی وجود ونه لري او ټول قومونه او ملیتونه یو د بل
سره صلح امیز او د یوبل پذیرۍ ژوند ولري ) ورته وحدت ویل کیژي ، یعنې (
بیر کله او بیر خیال ) هیڅوک په هیچا غرض ونه لري او هر سړۍ ، هره کورنۍ
په خپل کور او حریم کې د همسایه – ملک – خان – ملا – روحانی – حاکم –
زورمند او توپک سالار له خوانه تهدید نه شي ، هغه وخت وحدت تامین بولم .
زموږ تاریخی دشمنان ( پاکستان – ایران – عربان – امریکا په مجموع کې
غربیان –روس – چینایان او هندووان ) هیڅ نه غواړي زموږ خلک دورورۍ او
وحدت په فضا کې ژوند وکړي زموږ دشمنانو زموږ په هیواد کې د ننه د جهاد د
وخته ډیر زیات مزدوران ، اجنټان د ( آی اس آی ) نوکران زموږ د خلکو د
نفاق او یو بل تر منځ دشمنیو ته روزلي او لمسولي دي او تل تر تله د
اقوامو او ملیتو تر منځ د سمتی ، ژبنی ، مذهبي ، قومي تفرقه اچونې ته لمن
وهلي او وهي ېې لکه دغه ۳۵ کاله ېې چې زموږ د هیواد خلک د شخصي او قومی
اهدافو دلاس ته را وړلو په خاطر په کمونست – اخوانی – ماویست – ګروه کار
وغیره نامو په خپلو منځو کې یو د بل سره زموږ دشمنانو په وینو ولمبول او
وجنګول ، مخصوصا هغه وخت چې د ریاست جمهوري کمپاین پیل شوو او بیا ددوهم
پړاو درایو نتایج اعلان شول د تحول او همګرایی ټیم د داکتر عبدالله
عبدالله په مشرۍ زموږ هیواد او خلک د یوه خطرناک بحران سره مواجه کړل ، د
موازی حکومت – د زور حکومت – په ارګ حمله ، د کرزي عکسونه تر پښو لاندې
کول او ماتول – د عبدالله عبدالله عکسونه د ریس جمهور په حیث په شهر کې
نصبول – وسله وال مارش او قیام ته ملا وتړله ، او په یقین سره چې دلته
بیرونی لاسونه وو او افغانستان دیوه لوی بل کړکیچن حالت سره مواجه شوو،
خو دلته د دکتور اشرف غنی پراخه حوصله او د جان کیري وساتت د هغو لوی
بحران مخه ونیوله او دکتور اشرف غنی د ملی منافعو په مدنظر کی نیولو سره
د رایو د ۱۰۰٪ اراوو دوه واری شمیرل ومنل ، خو متاسفانه چې تر اوسه د
اغیارو د اجنتو حلقاتو په ذریعه د تحول او همګراۍۍ په ټیم کې کسانو له
خوانه پروسه تر تهدید لاندې ده ، توهین او فیزیکی تصادمات ددوی له خوانه
د تحول او تداوم په ټیم تحمیلیژي .
د ملي وحدت حکومت د عبدالله طرفداران داسې تعبیروی چې که دوی بازنده شي
نو د اجرایوی مقام به عبدالله عبدالله ته ورکوی او وزارتونه به مساوی
ویشل کیژي ، او بیرته به لکه یو اتلافی یا مصلحتی حکومت را منځ ته کیژی
چی بیرته باید ( بیسیوادان – غله – رشوت خواره – غاصبین – قاتلین – د
اداری فساد سرغنه وزیران د دکتور اشرف غنی په حکومت کې ځای لري ، خو بیا
د دکتور اشرف غنی د ټیم خلک وايي چې د ملي وحدت حکومت باید د افغانستان د
اساسی قانون د مواداتو پر بنیاد ولاړ وي او د ټولو مخالفینو او اپوزیسیون
په ګډون د داسې کسانو نه د اشرف غنی په مشرۍ حکومت جوړ شی چې هلته فقط د
( تحصیل – پاکۍ – وطن پرستۍ –تجربې – تخصص ) معیارونه ډیر مدنظر ونیول شي
او ریس جمهور هماغه ۲۰ یا ۲۱ مادی صلاحیتونه ولري چې په قانون اساسي کې
تسجیل شوي دي ، او ریس اجرایه د ریس جمهور په فرمان تعینیژي او لکه یو
یاور ویا مددګار د ریس جمهور به کار کوي ریس اجرایه به د وزیرانو او
والیانو د تقرر صلاحیت نه لري ، که ېې ولري معني ېې بیا هماغه د سهامی او
مصلحتی حکومت جوړول دی (( حکومت وحدت ملي یعنې د مرورو ( طالبانو –
حکمتیار – حقانی ) مدني ټولنو – سیاسی احزابو – د تحول او همګراۍۍ د ټیم
د نخبه تحصیل یافته ګانو، په خارج کې د متخصصو او تحصیل یافته با تجربه
ملکی او نظامی کسانو چې لاسونه ېې په وینو سره نه وي او چور او چپاول ېې
نه وي کړۍ له جملې نه جوړ حکومت ته د ملی وحدت حکومت وایی )) ،او یا هغه
حکومت چې د هم نظرانو – هم فکرانو – متخصصو – تحصیل یافته – وطن پرستو –
وحدت پرستو – یوبل پذیره – او خاصتا ددشمنان په مقابل کې یو متحد او ګډ
نظر ولري او د ملی امنیت ، استقلال او د خاورې تمامیت ورته تر هر څه نه
مهم وې او عملا د افغانستان په امنیت او اقتصادی پرمختیا کې خپله ونډه تر
سره کړي او د ریس جمهور ټول فرامین او اوامر بیدون له ځنډه عملي کړي غړو
یا اعضاوو ته د ملي وحدت حکومت ویل کیژي .
