چارلي هیبدو
– ملا عبدالسلام ضعیف
پر هغه اداره چې دپاریس په زړه کې وه د دوو اسلامي جذباتو لرونکو غیرتمنوځوانانولخوا دسپيڅلي پيغمبر صلی الله علیه وسلم دتوهین په انتقام کې داسي دقیقه وسلواله حمله وسوه چې په ډیر ګړندي ډول یي د هغواسلام دښمنوانسانانو څخه ژوند واخستی چې په ډیره سپين سترګې سره یې دنړۍ تر یونیم ملیارډ زیات وګړي مستقیماً ګواښل، او دادی ترهغه وروسته یوځل بیاهم هغه ډول توهین په عادي توګه تکرارسو.
کله چې داحمله وسوه په دې حمله کې دولس کسان ووژل سوه، او ټول هغه کسان په نښه سوې وه چې په نړۍ کې دسلګونو انسانانودمرګ اوقتل غیرمستقیم عاملین وه، داځکه کوم وخت چې ددغه ادارې له خوا په ۲۰۰۶ زېژدیزکال کې توهینونکي کارټونونه چاپ سول، دنړۍ په ګوټ ګوټ کې مسلمانانو دهغوی پر ضدمظاهرې وکړي، په ځینوهیوادونو کې مظاهرې په اخ او ډب واوښتلي اوپه سلګونو مسلمانان پکښي ووژل سول. موږ ویلای سوچې داسي لمسونکی عمل چې دانسانانو ژوندګواښي په حقیقت کې دانسانانو په وژنوکې ونډه اخستل دي، او داهغه عمل دی چې که داکارمسلمانان وکړي نوسمدلاسه به دلویدیز لخوا دټروریسټانوپه لسټ کې داخل سي، او نوم به یي هم په مطلوب او غوښتونکي (وانټيډ) لسټ کې خپورسي، اما دا کار بیا په په فرانسه کې دمطبوعاتودازادۍ ترنامه لاندې دفرانسې دحکومت په حمایت اومرسته سره ترسره کیږي.
موږ داڅو ورځي وینوچې دعامومسلمانوعکس العمل دومره زړه دردونکی دی چې دا دیوه صلیبي جنګ یوه برخه ګڼي اوپه رښتیاسره هم داسي ده، داخو ښه خبره ده ، داسلام اوخپل محبوب رهبرسره دمينې اومحبت اظهار دی ، مګر د بل پلوه چې ګورو داسلامي هیوادونو اکثرو واکمنانو ددغه دوو تنکیو زلمیانو داسلامي جذبې ډک عمل چې بله لاره یي دحل نه لیدله، او د دغو بزدله اوبې احساسه واکمنانو د بې غورۍ له کبله اړسول چې په عمل لاس پورې کړي، بیا هم د همدغو اکثرو اسلامي هیوادونو د واکمنانو له خوا د ځوانانو دغه عمل وغندل سو،تردې چې ځيني واکمنانوپه هغه څو ملیوني مظاهره کې هم ونډه اخستي وه چې ددغه عمل دغندني او دمجلي د قباحت په ملاتړ دیهودو تر رهبري لاندي په پاریس ښار کې جوړه سوې وه، دلته یو لوی فرق موجود دی، او ټوله اسلامي نړۍ په حقيقت کې هم داکارځور وي.
زماپه نظر په کارخودا وه چې داسلامي نړۍ دچارو واکمنانو په یوه اواز اول دمجلې دغه شنیع عمل په کلکه غندلی وای اودوېم یي ددغه مؤمنو انسانانو دقربانۍ قدرکړی وای، او د دوی د دغه قربانۍ څخه یې مثبته ګټه اخستي وای، اوددې عمل پړه یي ددغه لمسونکي مجلې پر مشرانو او اداره باندې اچولي وای،کوم چې په حقيقت کې ددې ټولومسؤلیت د دوی په غاړه دی، داچې څوک حقیقت پټوې او نه سي ویلای دانوبیابېله خبره ده.
درېم باید د چارو واکمنانو دخپل مسؤلیت په درک سره په یوه اوازسره دفرانسې د حکومت څخه همدارنګه په ملګروملتونوکې دهغې ادارې له خوا په ټینګه غوښتنه کړي وای چې د داسي لمسونکوکړنومخه په کلکه سره ونیسي، ځکه چې داسي لمسونکي اعمال که په هرنامه سره کیږي ، په ټوله نړۍ کې نفرتونه زيږ وې ، همداسي اعمال دجنګونواو وینوتویولو سبب کیږي، او باالاخره په نړۍ کې بې ثباتي رامنځته کوي.
زه دیوه مسلمان په صفت دهغواعمالوپلوي نه کوم چې په نړۍ کې دبې ثباتۍ او نفرتونو د زېژندې عامل ګرځي،مګرحل یي داهم نه دی چې داسلامي نړۍ دچارو واکمنان په ډير ډار او ذلالت سره د هغوکسانو په ملاتړ ږغ پورته کوي چې دنیمې نړۍ مسلمانان په خپلوکورونوکې په روحي لحاظ ځور وي، د دوی دغه د بې غیرتۍ ږغ چې د مجلې دشنیع عمل په ملاتړ یي پورته کړی دی، باید چې ټول مسلمانان په کلکه سره وغندې، ځکه چې همدوی د دي کارپه کولو سره داډول اسلام دښمنه افکارو لرونکو ته لا هم نور جرئت ورکړ چې په پراخه کچه داسي نور بد اعمال ترسره کړي، دنړۍ هغه کسانوته چې ظاهراً د مسلمان په صفت له دوی سره یوځای سول دشرم خبره ده.
دراتلونکې په اړه:
په ټوله اسلامي نړۍ کې په ځانګړي ډول زموږ په هیوادکې باید دبهرنیوچارو د وزارت لخوا دفرانسې سفارت ته په پرانستي اولیکلي ډول دافغان ولس پیغام ورکول سي، داچې دفرانسې هیواد په نړیواله سطحه مسؤلیت لري چې دټولومذهبونودرناوی وکړي، داچې د دوی په هیوادکې یوه ډله یا مجله داسي ګستاخانه عمل ترسره کوي چې هم دمذهب سپکاوی وي، هم نړیوال تشنج ته لمن وهل وي، اوهم د جنګونو، وینوتویولو سبب کیږي ، د فرانسې حکومت يې باید په کلکه مخ نیوی وکړي، او د فرانسي په هیواد کې د داسي عمل د کوونکي چې هر څوک يې کوي، او دعکس العمل پړه به په راتلونکې کې مستقیماًد فرانسې دحکومت پر غاړه وي
په درناوي
ملا عبدالسلام ضعیف
په اسلام آباد کې د افغانستان پخوانی سفیر
۲۶/۱۰/۱۳۹۳
